सैफ अली खान हल्ला प्रकरण:आरोपीला ठाण्यातून अटक, पोलिस आज पत्रकार परिषद घेत देणार संपूर्ण माहिती

सैफ अली खानवर हल्ला करणाऱ्या मुख्य आरोपीला मुंबई पोलिसांनी अटक केली आहे. विजय दास असे आरोपीचे नाव आहे. काल मध्यरात्री उशिरा ठाण्यातील कासारवडवली भागातून त्याला अटक करण्यात आली आहे. सध्या आरोपीची खार पोलिस स्टेशनमध्ये चौकशी करण्यात येत आहे. दरम्यान विजय दास यापूर्वी मुंबईतील पबमध्ये काम करायचा. त्याला आज कोर्टासमोर हजर केलं जाणार आहे. मुंबई पोलिस आज पत्रकारपरिषद घेऊन सविस्तर माहिती देणार आहे. तर आरोपीचे खरे नाव मोहम्मद अलन असे असल्याचे बोलले जात आहे. यामुळे पोलिस त्या दृष्टीनेही आता तपास करणार आहेत. 16 तारखेला झाला हल्ला गुरुवारी पहाटे अभिनेता सैफ अली खानवर त्याच्या वांद्रे येथील अपार्टमेंटमध्ये हल्ला झाला होता. यावेळी हल्लेखोराने त्याच्यावर चाकूने अनेक वार केले. गंभीर दुखापत झाल्यानंतर, सैफ अली खानला तातडीने मुंबईतील लीलावती रुग्णालयात दाखल करण्यात आले. सध्या सैफ अली खानवर रुग्णालयात उपचार सुरु आहेत. सैफचं घर 12 व्या मजल्यावर असून याच इमारतीच्या फायर एक्झिटच्या जीन्यावर सहाव्या मजल्यावर हा चोर सीसीटीव्हीत कैद झाला होता. या प्रकरणामध्ये काही संक्षयितांना अटक करण्यात आली होती. हल्ल्याच्या वेळी सैफच्या घरात 3 महिला आणि 3 पुरुष नोकर उपस्थित होते रात्री हल्ला झाला तेव्हा सैफ अली खानच्या घरात 3 महिला आणि 3 पुरुष नोकर होते. इब्राहिम आणि सारा अली खान देखील याच इमारतीच्या आठव्या मजल्यावर राहतात. हल्ल्यानंतर ते आले आणि सैफ अली खानला ऑटोमधून हॉस्पिटलमध्ये घेऊन गेला. घरी चालक उपस्थित नव्हता. ऑटोमॅटिक इलेक्ट्रिक वाहन कसे चालवायचे हे कोणालाच माहीत नव्हते म्हणून त्यांनी ऑटोने लीलावती हॉस्पिटल गाठले. मोलकरणीने सांगितले- हल्लेखोराने एक कोटी रुपये मागितले होते ही घटना सैफ-करिनाची मुले तैमूर-जेह यांच्या खोलीत घडली आहे, जिथे मुलांची काळजी घेणारी मोलकरीण (आया) अरियामा फिलिप उर्फ ​​लीमा उपस्थित होती. बाथरूमजवळ सावली पाहिल्याचे तिने पोलिसांना सांगितले. तिला वाटले की करीना आली असेल, पण नंतर एक माणूस दिसला ज्याने तिला धमकावले आणि 1 कोटी रुपयांची मागणी केली. हल्लेखोराला पाहून मोलकरणीने आरडाओरडा केला. आवाज ऐकून सैफ अली खान मुलांच्या खोलीत पोहोचला. सैफ दिसताच एका अज्ञात व्यक्तीने त्याच्यावर हल्ला केला. आरोपी आणि सैफमध्ये बाचाबाची झाली. इतक्यात दुसरी मोलकरीणही आली.