हळदी कुंकू कार्यक्रमात पर्यावरण रक्षणाचा संदेश:वाण म्हणून कापडी पिशवीचे वितरण; सांघिक प्रयत्नातून प्लास्टिकमुक्तीचा संकल्प‎

अकोला पर्यावरण रक्षणाचा संदेश देत पर्यावरण पूरक हळदी कुंकवाचा कार्यक्रम वृंदावन नगरात आयोजित करण्यात आला. महिलांना वाण म्हणून कापडच्या िपशवीचे वितरण करत पर्यावरण संवर्धनाचे आवाहन करण्यात आले. सर्वांनी मिळून प्रयत्न केल्यास शहर प्लास्टिक मुक्त होऊ शकते, असे डॉ. मनीषा पालीवाल याप्रसंगी म्हणाल्या. मानवी हस्तक्षेपामुळे काही वर्षांत जिल्ह्यातील वनक्षेत्रात सुमारे दोन ते तीन टक्क्यांनी घट झाली आहे. परिणामी येथील वन्यजीव आणि शेतीही धोक्यात येत आहे. ही बाब लक्षात घेऊन पर्यावरण िदनी अनेक कार्यक्रमांचे आयोजन शहरात करण्यात येते. जवाहर नगर परिसरात नेहमीच डॉ. पालीवाल परिवारातर्फे मोफत कापडी पिशव्यांचे वितरण करण्यात येते. दरम्यान रविवारी वृंदावन नगरातील पर्यावरण रक्षक सामाजिक कार्यकर्त्या डॉ. मनीषा पालीवाल यांनी पर्यावरण पूरक हळदी कुंकूचा कार्यक्रमाचे आयोजन केले होते. कापडी पिशवी सोबत ठेवा : पर्यावरणवादी डॉ. मनीषा पालीवाल यांनी कार्यक्रमात पर्यावरण संवर्धनाचे आवाहन केले. फळ भाजी विक्रेत्याकडून प्लॅस्टिक कॅरीबॅग मागू नका, ही कापडी पिशवी सोबत ठेवा. सर्वांनी मिळून प्रयत्न केल्यास आपण आपल्या शहराला प्लॅस्टिक मुक्त करू शकतो. त्यामुळे हळदी कुंकू कार्यक्रमाची थीम प्लॅस्टिक मुक्त शहर अशीच त्यांनी ठेवली होती. त्यांच्या या कार्यात डॉ. योगेश पालिवाल यांचा मोठा सहभाग असतो. यापूर्वी दिले होते रोप : यापूर्वी डॉ. मनीषा पालीवाल संक्रांतीला कुंडीत जगविलेले रोप वान म्हणून दिले होते. वर्षभर ज्यांच्या हातात प्लॅस्टिक कॅरी बॅग दिसेल त्याला कापडी पिशवी देण्याचं काम त्या करीत असतात. दरवर्षी २ हजारच्या वर पिशव्या त्या वाटत असतात. आजपर्यंत ३१ हजार पिशव्या त्यांनी वाटल्या आहेत. महिलांना वाण म्हणून कापडी िपशवीचे िवतरण करण्यात आले. काय आहे पिशव्यांवर? वाण म्हणून हळदी कुंकवाच्या कार्यक्रमात महिलांना पर्यावरण रक्षणाचे संदेश छापलेल्या कापडी पिशव्या देण्यात आल्या. पिवशीवी ‘एक पौधा जरुर लगाए, जिससे अगली पिढी सांस ले पाएं , असे आवाहन केले आहे. ‘मी अकोल्याचा सुजाण नागरिक. माझे शहर प्लास्टिक मुक्त करण्याचा आहे निर्धार- सर्वांच्या प्रयत्नाने प्लास्टिक होईल हद्दपार’ असेही यावर नमूद केले आहे.