హిమాలయాల్లో పూసే ఈ పువ్వు.. ఆరోగ్యానికి అమృతం..! లాభాలు తెలిస్తే..

బురాన్ష్‌.. ఈ పువ్వు ఆరోగ్యానికి ఒక అద్భుత వరం అంటున్నారు ఆయుర్వేద ఆరోగ్య నిపుణులు. బురాన్ష్‌ అనేది ఒక అందమైన చెట్టు పువ్వు. ఇది మార్చి, ఏప్రిల్ నెలల్లో హిమాలయాలు, కొండ ప్రాంతాలలో వికసిస్తుంది. అయితే ఇది అనేక ఆరోగ్య ప్రయోజనాలను అందిస్తుందని నిపుణులు చెబుతారు. బురాన్ష్ పుష్పంలో విటమిన్ సి పుష్కలంగా ఉంటుంది.. ఇది రోగనిరోధక శక్తిని పెంచుతుంది. బురాన్ష్ రెగ్యులర్ వినియోగం వలన జలుబు, దగ్గు, ఫ్లూ వంటివి వ్యాధులను నిరోధిస్తుంది. బురాన్ష్ పువ్వును రసం, వైన్ తయారికి వాడుతారు. యాంటీ డయాబెటిక్, యాంటీ ఆక్సిడెంట్, యాంటీ ఇన్ఫ్లమేటరీ, యాంటీ బాక్టీరియల్, గుండె, కాలేయాన్ని రక్షించే గుణాలు ఉన్నాయి.

హిమాలయాల్లో దొరికే ఈ పువ్వులు ఆరోగ్యానికి చాలా మంచివీ, ఈ బురాన్ష్ పువ్వు, రోడోడెండ్రాన్ అర్బోరియం అని కూడా పిలుస్తారు. భారతదేశం, నేపాల్, భూటాన్‌లో కనిపిస్తుంది. బురాన్ష్ పువ్వులు ఎక్కువగా ఉత్తరాఖండ్, హిమాచల్ ప్రదేశ్ రాష్ట్రాల కొండ ప్రాంతాలలో కనిపిస్తాయి. ఇవి ఔషధ గుణాలతో పాటు పోషకాలతో కూడి ఉన్నాయి. బురాన్ష్ పువ్వుల నుండి రసం తీసి తాగడం ద్వారా ఎన్నో వ్యాధులకు ఔషధం లభిస్తుంది. బురాన్ష్లో క్వినిక్ యాసిడ్ ఉంటుంది, దీని రుచి అమోఘం మరియు ఆరోగ్యానికి ఎంతో మేలు చేస్తుంది. కొలెస్ట్రాల్‌ను తగ్గించడానికి, క్యాన్సర్‌ను నిరోధించడానికి, నొప్పిని తగ్గించడానికి, చర్మ ఆరోగ్యాన్ని ప్రోత్సహించడానికి సహాయపడుతుంది. బురాన్ష్ పువ్వుతో చట్నీ తయారు చేసి వాడుకోవచ్చుట.

బురాన్ష్ కాల్షియం కీళ్ల నొప్పులను తగ్గించి ఎముకలను దృఢంగా ఉంచుతుంది. చర్మం, గొంతు, పొట్టపై మంటగా ఉంటే ఈ పూల జూస్ తాగడంతో ఇరిటేషన్ నుండి ఉపశమనం కలిగిస్తుంది. బురాన్ష్ జీర్ణ లక్షణాలను కలిగి ఉంటుంది. ఇది జీర్ణక్రియను ప్రోత్సహించడానికి, మలబద్ధకం నుండి ఉపశమనం పొందడంలో సహాయపడుతుంది. జీర్ణవ్యవస్థలో మంటను తగ్గిస్తుంది. బురాన్ష్ పుష్పం శ్వాసకోశ సమస్యలకు చికిత్స చేయడానికి ఉపయోగిస్తారంటున్నారు నిపుణులు.బ్రోన్కైటిస్, ఆస్తమా, దగ్గు, మొక్క ఆకులో వాపును తగ్గించడానికి సహాయపడే సమ్మేళనాలు ఉన్నాయి. బురాన్ష్‌లో ఫ్లేవనాయిడ్‌లు పుష్కలంగా ఉన్నాయి. ఇవి రక్తంలో కొలెస్ట్రాల్ స్థాయిలను తగ్గించడంలో సహాయపడే మొక్క ఆధారిత సమ్మేళనాలు. బురాన్ష్‌ టీ,రసం తీసుకోవటం గుండెకు మంచిది. ఇది తలనొప్పి, ఆర్థరైటిస్, ఇతర నొప్పులను తగ్గించడంలో సహాయ పడుతుందంటున్నారు.

ఇవి కూడా చదవండి

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని జీవనశైలి వార్తల కోసం ఇక్కడ క్లిక్ చేయండి.