अजित पवार गट, भाजपा, मनसे, वंचितला खिंडार; अपूर्व हिरे, अशोक मुर्तडक, पवन पवार, विक्रम नागरे यांचा शिवसेनेत प्रवेश

नाशिक येथे शुक्रवारी शिवसेना पक्षप्रमुख उद्धव ठाकरे यांच्या प्रमुख उपस्थितीत अजित पवार गटाचे माजी आमदार अपूर्व हिरे, माजी महापौर, मनसेचे प्रदेश सरचिटणीस अशोक मुर्तडक, वंचित बहुजन आघाडीचे पवन पवार, भाजपाचे विक्रम नागरे, माजी नगरसेविका इंदुबाई नागरे यांनी असंख्य कार्यकर्त्यांसह शिवसेनेत प्रवेश केला. यामुळे अजित पवार गट, मनसे, भाजप, वंचितला खिंडार पडले आहे.

हुतात्मा अनंत कान्हेरे मैदानावर महाविकास आघाडीच्या उमेदवारांच्या प्रचारार्थ उद्धव ठाकरे यांची विराट सभा झाली. यावेळी अजित पवार गटाचे माजी आमदार अपूर्व हिरे आणि असंख्य कार्यकर्त्यांनी शिवसेनेत प्रवेश केला. त्यात स्वप्नील पाटील, तुळशीराम भागवत, मुरलीधर तात्या भामरे, माजी नगरसेविका पल्लवी पाटील, शीला भागवत, संदीप पवार, शिवाजी भंदुरे, विशाल डोखे, सुनील जगताप, मुन्ना तुपे, आबा गांगुर्डे, महेश अहिरे, जगदीश काजळे, कुणाल नवले, जानू नवले, अमित खांडे, किरण राजवाडे, प्रितम भामरे, तुषार साळुंखे, विजय बेंडकोळी, बी.एल. श्रीवास्तव, जिभाऊ बच्छाव, तुषार भागवत यांचा समावेश आहे. नाशिकचे माजी महापौर, मनसेचे प्रदेश सरचिटणीस अशोक मुर्तडक, विशाल मुर्तडक, राजेंद्र वाघ, वंचित बहुजन आघाडीचे पवन पवार, भाजपा पदाधिकारी विक्रम नागरे, माजी नगरसेविका इंदुबाई नागरे, मधुकर हिंगमिरे, अकबर मणियार, धनंजय लोखंडे, माजी प्राचार्य वसंत वाघ, प्रतीक दुसाने, निवृत्त अप्पर पोलीस अधीक्षक श्यामराव निपुंगे, शिवाजी लोखंडे यांनीही शिवसेनेत प्रवेश केला.

मालेगावला भाजपा पदाधिकाऱयांचा शिवसेनेत प्रवेश

मालेगाव येथील सभेत भाजपासह विविध पक्षांचे पदाधिकारी व माजी नगरसेवकांनी शिवसेनेत प्रवेश केला. यात वंचित बहुजन आघाडीचे माजी नगरसेवक भारत म्हसदे, शिंदे गटाचे माजी नगरसेवक मनोज पवार, भाजपा पदाधिकारी दीपक पवार, जाबीर खान साबीर खान, दीपक बच्छाव, दहीदीचे सरपंच सोपान वाघ, सामाजिक कार्यकर्ते रिझवान बॅटरीवाला यांचा समावेश आहे.