Gold Silver Rate Today 7 February 2025 : दरवाढीच्या वादळानंतर काय आहे सोने-चांदीची किंमत? ग्राहकांना पुन्हा झटका?

3 hours ago 2

नवीन वर्षात सोने आणि चांदीने नवनवीन विक्रम नावावर नोंदवले. दोन्ही धातुनी उच्चांकी झेप घेतली. अजून या धातुत विक्रमी घसरण नोंदवली गेलेली नाही. यंदाच्या अर्थसंकल्पात या मौल्यवान धातुच्या कर कपातीविषयी कोणताही फैसला झाला नाही. गेल्यावेळी आयात शुल्क कपातीचा निर्णय ग्राहकांच्या पथ्यावर पडला होता. गेल्या दोन दिवसात सोन्याने मोठी मजल मारली. तर चांदीने नरमाईनंतर पु्न्हा झेप घेतली. आता 18K, 22K, 24K सोन्याच्या आणि एक किलो चांदीची आता अशी आहे किंमत. (Gold Silver Price Today 7 February 2025 )

सोन्यात दरवाढ

या आठवड्यात सोन्याने तुफान घोडदौड केली. सोमवारी सोने 440 रुपयांनी स्वस्त झाले होते. मंगळवारी 115 रुपयांनी आणि बुधवारी 1040 रुपयांनी सोने वधारले. तर गुरुवारी त्यात 250 रुपयांची भर पडली. गुडरिटर्न्सनुसार, आता 22 कॅरेट सोने 79,450 रुपये प्रति 10 ग्रॅम तर 24 कॅरेट सोन्याचा भाव 86,660 रुपये प्रति 10 ग्रॅम आहे.

हे सुद्धा वाचा

चांदी लाखाच्या घरात

गेल्या महिन्यात चांदीत चढउताराचे सत्र दिसून आले. तर या महिन्याच्या सुरुवातीला चांदीला सूर गवसला नही. 4 फेब्रुवारी रोजी चांदी 1 हजार रुपयांनी उतरली. तर बुधवारी चांदी हजारांनी वधारली. काल भाव स्थिर होता. गुडरिटर्न्सनुसार, एक किलो चांदीचा भाव 99,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 84,613, 23 कॅरेट 84,274, 22 कॅरेट सोने 77,506 रुपयांवर आहे. 18 कॅरेट आता 63,460 रुपये, 14 कॅरेट सोने 49,499 रुपये प्रति 10 ग्रॅमवर आहे. एक किलो चांदीचा भाव 94,762 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article