Hingoli Assembly Elections: खुल्या प्रचाराच्या शेवटच्या दिवशी अनेक उमेदवारांचे शक्तीप्रदर्शन

2 hours ago 1

उमेदवार आता मतदारांच्या घरोघरी जाऊन भेटी घेणार

२० नोव्हेंबरला मतदान

हिंगोली (Hingoli Assembly Elections) : विधानसभा निवडणूक प्रचाराच्या तोफा सोमवारी सायंकाळी ६ वाजता थंडावल्या. त्या निमित्ताने अनेक उमेदवारांनी रॅली काढून मोठे शक्तीप्रदर्शन केले. (Hingoli Assembly Elections) विधानसभा निवडणुकीच्या प्रचारासाठी अवघे १४ दिवस उमेदवारांना मिळाले. त्या निमित्ताने अनेक उमेदवारांनी आपापल्या कार्यकर्त्यांसह शहरी व ग्रामीण भागात प्रचार करून आपल्याला मतदान करावे असे साकडे घातले.

या प्रचारा निमित्त अनेक राजकीय पक्षांच्या नेते मंडळीच्या जाहीर सभा पार पडल्या. ग्रामीण व शहरी भागात उमेदवारांनी अनेक वाहनावर ध्वनीक्षेपक लावून प्रचार यंत्रणा राबविली. गुलाबी थंडीमध्ये प्रचाराचा चांगलाच धुराळा उडाला. सार्वत्रिक प्रचाराची सांगता १८ नोव्हेंबर रोजी सायंकाळी ६ वाजता झाली. त्यामुळे प्रचाराच्या तोफा थंडावल्या. आता १९ नोव्हेंबरला उमेदवार प्रत्यक्ष मतदारांच्या भेटीगाठीला जाणार आहेत. २० नोव्हेंबर रोजी मतदानाची प्रक्रिया पार पडणार आहे. त्या निमित्ताने अनेक उमेदवार व त्यांच्या समर्थकांकडून आपल्याला जास्तीत जास्त मतदान करून घेण्याकरीता रणनिती ठरवली जात आहे. (Hingoli Assembly Elections) प्रत्यक्ष मतदारांच्या भेटीला उमेदवार व त्यांचे समर्थक जाणार असल्याने त्यांच्यावरही निवडणूक आयोगाची करडी नजर राहणार आहे.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article