Maharashtra Assembly Poll : चिकलठाणा विमानतळावर १५० विमानांचा वावर

छत्रपती संभाजीनगर, पुढारी वृत्तसेवा : विधानसभेच्या निवडणुकीची रणधुमाळीत सभांची गर्दी ४ ते १५ नोव्हेंबरपर्यंत चालली. यासाठी प्रमुख नेत्यांसह प्रचारकांनी चिकलठाणा विमानतळावर हजेरी लावली होती. या ११ दिवसांच्या कालावधीत चिकलठाणा विमानतळांवर सुमारे १५० ते १६० चार्टर विमान, हेलिकॉप्टर, विशेष विमानांची ये जा झाली. सभां संपताचा विमानांचीही वर्दळ थंडावली असल्याची माहिती विमानतळ सूत्रांनी दिली.

उमेदवारी अर्ज माघार घेतलेल्या दिवसांपासून सभा प्रचार फेऱ्यांना मरुवात याली याच दिवसांपामन प्रमुख नेत्यांच्या प्रचार फेर्यों व सभांसाठी प्रमुख प्रचारकांनी मराठवाडा पिंजून काढला. छत्रपती संभाजीनगर हे मराठवाड्याचे मध्य ठिकाणी आणि विमान, हेलिकॉप्टर उतरण्यांची सुविधाअसल्याने सर्वच जण येथूनच पुढे जात होते. ४ ते १५ नोव्हेंबर या ११ दिवसांच्या कालावधीत चिकलठाणा विमानतळावर सुमारे १५० ते १६० चार्टर विमान, हेलिकॉप्टरसह विशेष विमानांची ये जा झाली. प्रमुख नेत्यांच्या सभांचा कार्यक्रम संपताच विमानतळांवरील विमानांची वर्दळ थंडावली आहे.

१५ ते २० विमानांची ये -जा येथील विमानतळावरून सकाळपासून दिल्ली, मुंबई, हैदराबाद, उदयपूर, बंगळुरू, नागपूर आदी मार्गांवर विमानसेवा सुरू आहे. विधानसभेच्या प्रचारांची रणधुमारळी सुरू होताच चिकलठाणा विमानतळांवर हेलिकॉप्टरसह चार्टर विमानांची वर्दळ वाढली. या काळात दररोज १५ ते २० विमाने या ठिकाणी ये- जा करत होते. दरम्यान एकाच दिवसांत १०० विमानांना सेवा देण्याची क्षमता येथील विमानतळावर असल्याने व्हीआयपींच्या येणाऱ्या विमानांना सेवा देण्यात विमानतळ प्रशासनाला कुठलीच अडचण आली नसल्याची माहिती सुत्रांनी दिली.