Maharashtra Breaking News LIVE : नवनीत राणा यांच्यावर खुर्च्या फेकल्या, दर्यापूरमधील सभेत राडा

विधानसभा निवडणुकीचा प्रचार अंतिम टप्प्यात आलाय. असं असताना राजकीय नेत्यांच्या सभा होत आहे. गडचिरोली आरमोरी अहेरी या मतदारसंघासाठी केंद्रीय गृहमंत्री अमित शाह यांची आज प्रचार सभा होणार आहे. गडचिरोली जिल्ह्यातील आरमोरी मतदारसंघात काँग्रेस पक्षाच्या नेत्या प्रियांका गांधी देसाईगंज इथं प्रचार सभा होणार आहे. अमरावतीच्या दर्यापूरमधील खल्लार गावात माजी खासदार, भाजप नेत्या नवनीत राणा यांच्या सभेत राडा झाला आहे. खुर्च्या फेकून मारल्याचा आरोप नवनीत राणा यांनी केला आहे. या सोबतच क्रीडा, मनोरंजन विश्वातील घडामोडी तुम्हाला या ब्लॉगमध्ये वाचायला मिळतील. त्यामुळे दिवसभर आमचा लाईव्ह ब्लॉग फॉलो करा.