Parbhani: ऊसाच्या हार्वेस्टर मशीनने घेतला पेट

3 hours ago 1

परभणी (Parbhani) :- शेतातील ऊस काढत असताना अचानक हार्वेस्टर मशीनने (Harvester Machine) पेट घेतला. ही घटना रविवार २ फेब्रुवारी रोजी सायंकाळी पाच वाजेच्या सुमारास परभणी तालुक्यातील नांदगाव बु. शिवारात घडली. सदर आगीत २० गुंठे क्षेत्रावरील ऊस आणि हार्वेस्टर मशीन जळून खाक झाले.

सुदैवाने कोणतीही जीवितहानी नाही

परभणी तालुक्यातील नांदगाव बु. शिवारात हनुमान जवंजाळ यांच्या गट नंबर ३१ मध्ये ऊस काढणीचे काम चालू होते. यावेळी आणण्यात आलेल्या हार्वेस्टर मशीनने अचानक पेट घेतला. आगीत ऊस आणि हार्वेस्टर जळाले. घटनेची माहिती महापालिकेच्या अग्निशमन दलाला (fire brigade) देण्यात आली. अग्निशमन अधिकारी डि.यु. राठोड यांच्या मार्गदर्शनाखाली गौरव देशमुख, उमेश कदम, रोहिम गायकवाड, वाहन चालक संतोष पोंडाळ यांच्या पथकाने घटनास्थळी धाव घेत आग विझविली.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article