Nifty २६ हजारांच्या खाली घसरला
आज सोमवारी सेन्सेक्स आणि निफ्टी घसरले.file photo
Published on
:
30 Sep 2024, 4:58 am
Updated on
:
30 Sep 2024, 4:58 am
पुढारी ऑनलाईन डेस्क
संमिश्र संकेतांदरम्यान भारतीय शेअर बाजारात आज सोमवारी (दि.३०) घसरण दिसून आली. सुरुवातीच्या व्यवहारात सेन्सेक्स ७०० अंकांनी घसरून ८४,९०० च्या खाली आला. तर निफ्टी सुमारे २०० अंकांच्या घसरणीसह २५,९८० वर व्यवहार करत आहे. मुख्यतः रिलायन्स इंडस्ट्रीज, इन्फोसिस, टीसीएस आणि आयसीआयसीआय या हेवीवेट शेअर्समध्ये घसरण झाली आहे.
सेन्सेक्सवर ॲक्सिस बँक, रिलायन्स, आयसीआयसीआय बँक, एम अँड एम, टेक महिंद्रा, इंडसइंड बँक, भारती एअरटेल, एसबीआय, पॉवर ग्रिड हे शेअर्स प्रत्येकी १ टक्के घसरले आहेत. त्याचबरोबर नेस्ले इंडिया, इन्फोसिस, एचडीएफसी बँक आणि टीसीएस हे शेअर्सही घसरले आहेत. तर टाटा स्टील, जेएसडब्ल्यू स्टील, एशियन पेंट्स, टायटन या शेअर्समध्ये तेजी दिसून येत आहे. मिडकॅप आणि स्मॉलकॅप निर्देशांकही लाल रंगात व्यवहार करत आहेत.