بھدرواہ میں لڑکیوں کا انٹر ڈسٹرکٹ ڈویژن سطح کا کھو کھو ٹورنامنٹ شروع

عظمیٰ نیوز سروس

بھدرواہ//ایڈیشنل ڈپٹی کمشنر بھدرواہ سنیل کمار نے گورنمنٹ ڈگری کالج بھدرواہ میں ایک متاثر کن اور اچھی شرکت کی تقریب میں انڈر 14 لڑکیوں کے لیے بین ڈسٹرکٹ ڈویژن سطح کے کھو کھو ٹورنامنٹ کا افتتاح کیا۔ جموں، ادھم پور، سانبہ، ریاسی، پونچھ، کشتواڑ، راجوری، سانبہ، کٹھوعہ، اور میزبان ضلع ڈوڈہ کے اضلاع سے دس ٹیمیں، جن میں 119شرکاء اور 20انچارج دستے شامل ہیں۔ ٹورنامنٹ میں منیجرز اور کوچز حصہ لے رہے ہیں۔ صبح کے سیشن کے میچ دلچسپ تھے جس میں پونچھ نے کشتواڑ کو ہرایا۔ راجوری نے رام بن کو ہرا دیا۔ سانبہ نے ریاسی کو اور جموں نے کٹھوعہ کو شکست دی۔