حسین ساگر میں 2کشتیوں میں آگ لگ گئی، 3 افراد جھلس گئے (خوفناک ویڈیوز)

حیدرآباد: شہر کے قلب میں واقع تاریخی حسین ساگر میں اتوار کے روز بھارت ماتا مہا آرتی پروگرام کے دوران آتشباری سے دو کشتوں میں آگ لگ گئی‘ جس کے نتیجہ میں 3 افراد جھلس کر زخمی ہوگئے۔

پولیس ذرائع کے بموجب بھارت ماتا فاؤنڈیشن کی جانب سے نیکلس پلازہ گراؤنڈ پر بھارت ماتا مہا آرتی پروگرام منعقد کیا گیا۔ اس کے پروگرام کے تحت حسین ساگر میں کشتیاں بھی چلائی جارہی تھیں۔

آج رات ان دو کشتیوں میں آتشبازی کی جارہی تھی‘ جس کے نتیجہ میں ان کشتیوں میں آگ لگ گئی۔ بتایا جاتا ہے کہ پٹاخے اوپر جانے کے بعد واپس کشتیوں میں ہی گرنے کے بعد پھٹ پڑے جس کی وجہ سے کشتیوں میں آگ لگ گئی۔

اس موقع پر کشتیوں میں 7 افراد سوار تھے۔ 4 افراد نے جان بچانے کے لئے پانی میں چھلانگ لگادی اور مابقی 3 افراد جھلس گئے۔ ان میں ایک شخص شدید جھلس گیا۔

زخمیوں کو ہاسپٹل میں شریک کرادیا گیا۔ مزید بتایا جاتا ہے کہ مرکزی وزیر کشن ریڈی ہر سال اس پروگرام میں شرکت کرتے ہیں۔ لیک پولیس مصروف تحقیقات ہے۔

ہمیں فالو کریں