کانگریس نے منت رحمانی کو بڑی ذمہ دار ی سونپی، جموں و کشمیر اسمبلی انتخابات کا مبصر بنایا

File Photo

عظمیٰ ویب ڈیسک
پٹنہ/کانگریس نے جموں و کشمیر اسمبلی انتخابات کے لیے اپنے مبصرین کا تقرر کیا ہے۔ کانگریس نے اس کی ذمہ داری کئی بڑے لیڈروں کو دی ہے۔ اس کے ساتھ ہی منت رحمانی جو بہار اقلیتی سیل کی ریاستی صدر تھے، کو ایک بڑی ذمہ داری سونپی ہے۔ پارٹی نے انہیں سنٹرل شالٹینگ اسمبلی کا مبصر بنایا ہے، جو ریاست کی ایک اہم نشست ہے جہاں سے جموں و کشمیر پردیش کانگریس کے صدر خود الیکشن لڑ رہے ہیں۔ یہ اطلاع آل انڈیا کانگریس کمیٹی کی طرف سے ایک پریس نوٹ جاری کرتے ہوئے دی گئی ہے۔
ساتھ ہی ذمہ داری سونپے جانے کے بعد منت رحمانی نے پارٹی کے سینئر رہنماؤں بشمول سونیا گاندھی، کانگریس صدر ملکارجن کھڑگے، قائد حزب اختلاف راہل گاندھی اور ریاستی صدر ڈاکٹر اکھلیش پرساد سنگھ کا شکریہ ادا کیا ہے۔
انہوں نے کہا کہ پارٹی نے مجھے جو بھی ذمہ داری دی ہے میں اسے پوری ایمانداری سے نبھاؤں گا۔ انہوں نے کہا کہ کانگریس پارٹی جموں و کشمیر اسمبلی انتخابات میں کنگ میکر کے رول میں ہے۔ پارٹی کو وہاں کے لوگوں کی بھرپور حمایت مل رہی ہے۔ مجھے پوری امید ہے کہ اس بار ہمیں کانگریس اور نیشنل کانفرنس کی قیادت میں اکثریت ملے گی اور وہاں ہماری حکومت بنے گی۔