अंबिकानगरमध्ये गणेश याग:श्री विशाल मंदिरात गणेश जन्मावेळी भाविकांकडून पुष्पवृष्टी

अहिल्यानगर श्री गणेश जयंतीनिमित्त शहराचे ग्रामदैवत श्री विशाल गणेश मंदिर येथे श्री गणेश जन्मावेळी भाविकांनी मोठी गर्दी केली होती. याप्रसंगी देवस्थानचे अध्यक्ष अ‍ॅड. अभय आगरकर, उपाध्यक्ष पंडित खरपुडे, सचिव अशोक कानडे, विश्वस्त विजय कोथिंबीरे, पुजारी संगमनाथ महाराज, बापूसाहेब एकाडे आदी उपस्थित होते. सकाळी अभिषेक करण्यात आला. भाविकांनी पहाटे पासून रांगा लावल्या होत्या. दुपारी गणेश जन्मावेळी भाविकांनी पुष्पवृष्टी केली. गणेश जयंतीनिमित्त गणेश यागचे आयोजन करण्यात आले होते. त्याचे यजमान शंकरराव फुलसौंदर व परिवार होता. यावेळी उद्योजक गणेश झंवर यांच्याहस्ते आरती करण्यात आली. यागाचे पौराहित्य नाशिक येथील मुकुंदशास्त्री मुळे यांनी केले. यानंतर भाविकांना प्रसादाचे वाटप करण्यात आले. गणेश जयंतीनिमित्त मंदिर व परिसरात फुलांची सजावट करण्यात आली होती. मंदिरावर विद्युत रोषणाई करण्यात आली होती. देवस्थान ट्रस्टच्या वतीने भाविकांसाठी मंडप, बॅरिगेटस्, पाण्याची व्यवस्था करण्यात आली होती. गणेश मंदिरातील सेवेकरी व पोलिस प्रशासन भाविकांच्या गर्दीेचे नियोजन करत होते. ग्रामदैवत श्री विशाल गणेश मंदिर येथे श्री गणेश जन्मावेळी भाविकांनी पुष्पवृष्टी केली. छाया : राजू खरपुडे. अंबिकानगरमध्ये गणेश याग महाराष्ट्रातील पहिली गृह बांधणी संस्था असलेल्या केडगावातील अंबिकानगर येथील अंबिका गृह बांधणी संस्था आणि यांच्याशी संलग्न असलेल्या श्री गणेश व दत्त देवस्थान ट्रस्टच्या वतीने शनिवारी ’गणेश याग’ चे आयोजन करण्यात आले होते. हा गणेश याग हा अंबिकानगर येथे श्री छत्रपती शिवाजी महाराज मंगल कार्यालयात झाला. या यागाचे पौराहित्य पंढरपूरकर गुरुजी यांनी केले.