अशा प्रकारच्या निवडणूका पाकिस्तान-अफगाणिस्तान मध्ये सुद्धा होत नसतील, संजय राऊत यांचा घणाघात

महाराष्ट्रात नुकताच विधानसभा निवडणूकीचा निकाल लागला आहे. ईव्हीएमने दिलेल्या निकालानुसार महायुतीला स्पष्ट बहुमत मिळाले असले तरी आता ईव्हीएममधील घोटाळे समोर येत आहेत, अनेक उमेदवारांनी देखील ईव्हीएमवर शंका उपस्थित केली आहे.

लोकशाहीतील विचलित करणारे हे दृश्य आहे परळी मतदार संघातील.
अशा प्रकारच्या निवडणुका पाकिस्तान अफगाणिस्तान मध्ये सुद्धा होत नसतील.
मतदाराना केंद्रावर येऊच दिले नाही.
दहशत माजवून पळवून लावले.
निवडणूक आयोग जिवंत आहे काय?
⁦@ECISVEEP⁩
⁦@AmitShah⁩
⁦@Dev_Fadnavis⁩ pic.twitter.com/A7GbGeDwHu

— Sanjay Raut (@rautsanjay61) November 26, 2024

याच दरम्यान परळी मतदारसंघातील एक धक्कादायक व्हिडीओ समोर आला आहे. या व्हिडीओत अजित पवार गटाचे धनंजय मुंडे यांचे समर्थक मतदारांना मारहाण करून हाकलून देत असल्याचे दिसत आहे. या व्हिडीओवरून शिवसेना (उद्धव बाळासाहेब ठाकरे) पक्षाचे नेते, खासदार संजय राऊत यांनी निवडणूक आयोगावर निशाणा साधला आहे.

संजय राऊत यांनी हा व्हिडीओ X या समाजमाध्यमावर शेअर केला आहे. या व्हिडीओसोबत त्यांनी एक पोस्ट शेअर करत निवडणूक आयोगाला फटकारले. ”लोकशाहीतील विचलित करणारे हे दृश्य आहे परळी मतदार संघातील. अशा प्रकारच्या निवडणुका पाकिस्तान अफगाणिस्तान मध्ये सुद्धा होत नसतील. मतदाराना केंद्रावर येऊच दिले नाही. दहशत माजवून पळवून लावले. निवडणूक आयोग जिवंत आहे काय?”, असा घणाघात उद्धव ठाकरे यांनी केला.