‘एमपीएससी’ परीक्षेला 1053 उमेदवारांची दांडी:22 केंद्रांवर 5,195 उमेदवार होते उपस्थित

महाराष्ट्र लोकसेवा आयोगाची महाराष्ट्र गट ब (अराजपत्रित) सेवा संयुक्त पूर्व परीक्षा रविवारी घेण्यात आली. या परीक्षेसाठी जिल्ह्यातील ६ हजार २४८ उमेदवारांनी ‘एमपीएससी’कडे ऑनलाइन अर्ज केले होते. त्यापैकी पाच हजार १९५ उमेदवारांनी ही परीक्षा दिली, तर एक हजार ५३ उमेदवार या वेळी गैरहजर होते. शहरातील २२ केंद्रांवर ही परीक्षा घेण्यात आली. परीक्षा शांततेत पार पडल्याची माहिती निवासी उपजिल्हाधिकाऱ्यांनी दिली. रविवारी सकाळी ११ ते दुपारी १२ या वेळेत ‘एमपीएससी’ची परीक्षा घेण्यात आली. अकोला शहरातील २२ उपकेंद्रांवर ६ हजार २४८ उमेदवार परीक्षेसाठी प्रविष्ट होते. त्यापैकी ५ हजार १९५ उमेदवारांनी ही परीक्षा दिली असून, उर्वरित १ हजार ५३ उमेदवार या परीक्षेला अनुपस्थित होते. परीक्षा नियंत्रक म्हणून निवासी उपजिल्हाधिकारी विजय पाटील व विशेष निरीक्षक म्हणून आयकर विभागाच्या उपायुक्त अर्चना चव्हाण यांनी शहरातील विविध परीक्षा केंद्रांना भेट देवून पाहणी केली. परीक्षा कालावधीत परीक्षा केंद्रांच्या परिसरात प्रतिबंधात्मक आदेश लागू करण्यात आले होते. तसेच परीक्षा केंद्रांच्या परिसरात पोलिस बंदोबस्त तैनात करण्यात आला होता. काही केंद्रांवर बायोमॅट्रीक्स घेताना उडाला गोंधळ महाराष्ट्र लोकसेवा आयोगाच्या परीक्षेची पेपरची वेळ सकाळी ११ ते १२ अशी एक तासाची होती. सकाळी साडेनऊ ते साडेदहा अशी उमेदवारांची परीक्षा केंद्रावर रिपोर्टिंगची वेळ होती. साडेदहा वाजता गेट बंद झाले. पावणेअकरा वाजेपर्यंत शहरातील काही केंद्रांवर परीक्षार्थींची बायोमेट्रिक हजेरी मोठी गर्दी झाल्याने काही विद्यार्थ्यांचे पेपर झाल्यावर बायोमेट्रिक हजेरी घेण्यात आली.