पैठण बसस्थानकाचा 3 कोटींचा निधी केवळ लेआऊटअभावी परत:आता धूळ, बसस्थानक दिसतेय भकास, आता पुन्हा नव्याने निधीची प्रतीक्षा‎

येथील नवीन एसटी बसस्थानकाच्या भव्य इमारतीसाठी पाच वर्षांपूर्वी तीन कोटींचा निधी मंजूर झाला होता. त्यातून बसस्थानकातील सर्व झाडे तोडण्यात आली. काम सुरू होण्याच्या प्रतीक्षेत असताना केवळ या कामाचे मार्कआऊट एसटी महामंडळाच्या विभागाने तयार करुन दिले नसल्याने तीन कोटींचा निधी तर परत गेला. शिवाय कामही लांबणीवर पडले. यामुळे बसस्थानकात प्रवाशांना धुळीचा सामना करत बसची वाट बघावी लागत आहे. पाच वर्षांपूर्वी पैठण बसस्थानकाचा कायापालट करण्यात येणार होता. महाराष्ट्र राज्य परिवहन महामंडळाच्या (एसटी) नवीन बसस्थानकात सर्व सोयी सुविधा आणि अत्याधुनिक संकल्पनेनुसार साकारण्यात येणार होते. यासाठी निधी देखील देण्यात आला होता. मात्र काम सुरू होण्याच्या पूर्वीच केवळ एसटी महामंडळाच्या आर्किटेक यांनी नवीन कामाचे मार्कआऊट तयार करुन दिले नसल्याने प्रत्यक्षात काम त्यावेळी सुरू करता आले नाही, अशी माहिती संबंधित ठेकेदार नितीन देशमुख यांनी दिली, Q. ५ वर्षांपूर्वी तीन कोटी रुपये नवीन बसस्थानकासाठी मंजूर झाले होते का? A. पाच वर्षांपूर्वी तीन कोटी मंजूर झाले होते, मात्र काम झाले नाही. Q. आलेल्या तीन कोटींच्या निधीचे काय झाले? A. प्रत्यक्षात काम काही झाले नाही. त्यामुळे निधी परत गेला असून नवीन निधी कधी मिळणार, यावर बसस्थानकाचे काम अवलंबून असणार आहे. Q. आता धुळीचे साम्राज्य दिसत आहे, त्यावर काय उपाययोजना? A. आमच्या पद्धतीने रोज साफसफाई करण्यात केली जात आहे. {गजानन मडके , आगारप्रमुख पाच वर्षांपूर्वी निधी मिळून देखील प्रत्यक्षात काम सुरू झाले नसल्याने सध्या पैठणच्या एसटी बसस्थानकात सर्वत्र धुळीचे साम्राज्य दिसत आहे. बस स्थानकातून बस ये-जा करताच धुळीचे लोट पाहायला मिळतात. यामुळे आरोग्याची देखील समस्या निर्माण होत आहे. अगोदर सर्व बसेस भंगार असताना त्यातच बस स्थानकाची देखील दयनीय अवस्था झाली आहे. किमान बसस्थानकात पाणी तरी मारले जावे, अशी मागणी राष्ट्रवादीचे जितू परदेशी, बजरंग लिंबोरे यांनी केली. तर आगारप्रमुख गजानन मडके यांनी देखील पाच वर्षांपूर्वी निधी मंजूर झाला होता, काम का होऊ शकले नाही, हे सांगता येणार नसल्याचे सांगितले. नव्याने बसस्थानकाचे काम सुरू व्हावे, यासाठी लवकरच आमदार विलास भुमरे यांच्याकडे आम्ही निधीची मागणी करणार असल्याची माहिती शिवसेना शिंदे गटाचे शेखर शिंदे, भूषण कावसाणकर, किशोर तावरे यांनी दिली. आमदार विलास भुमरे म्हणाले, नवीन बसस्थानकाच्या निधीसाठी पाठपुरावा करून लवकर निधी उपलब्ध करुन देण्यात येईल. ऐतिहासिक व धार्मिक ठिकाणी पैठण असल्याने त्या पद्धतीने बसस्थानक करण्यात येईल. विशेष येथे पर्यटकांची मोठी ये-जा असते. तरिही बसस्थानकाचे काम लांबणीवर पडले आहे. नव्या निधीवर काम अवलंबून