निवडणुकीपूर्वी धनंजय मुंडे रात्री दोन वाजता येत पाया पडले:वाल्मीक कराडही होता सोबत, म्हणाले सांभाळून घ्या, मनोज जरांगेंचा दावा

2 hours ago 1

विधानसभा निवडणुकीपूर्वी धनंजय मुंडे यांचे 8 दिवस मला फोन आले. एकदिवस रात्री दोन वाजता मला भेटायला आले आणि मला सांभाळून घ्या म्हणत माझ्या पाया पडले, तेव्हा वाल्मीक कराड त्यांच्या सोबत होता, असा दावा मराठा आंदोलनकर्ते मनोज जरांगे पाटील यांनी केला आहे. मनोज जरांगे पुढे बोलताना म्हणाले की, धनंजय मुंडेंनी मला कराडची ओळख करुण दिली, तेव्हा मी त्यांना म्हटलो की हर्व्हेस्टरचे पैसे बुडवणारा हाच का? त्यावर त्यांनी म्हटले लक्ष राहु द्या, मराठ्यांनी मला मोठं केले, असे म्हणत जाताना पाया पडल्याचाही दावा त्यांनी केला. कराडकडे असलेले पैसे एखाद्या मंत्र्याचे मनोज जरांगे पाटील म्हणाले की, देशमुखांची हत्या करणारी टोळी विचित्र आहे. ती टोळी संपलीच पाहिजे. फरार आरोपी कृष्णा आंधळेला यांनी पळवले, असे वाटत आहे. खंडणी मागणारी, खून करणारी, छेडछाड करणारी, घर बळकवणारी, जमीन बळकवणारी, अशा वेगवेगळ्या टोळ्या आहेत. या पैशांवर राजकारण करायला मजा वाटली. संपूर्ण संपत्ती एखाद्या मंत्र्याची आहे. वाल्मीक कराडला इतक्या पैशांचे काय करायचे?, असा सवालही त्यांनी यावेळी उपस्थित केला आहे. पोटातील ओठवार आले मनोज जरांगे पाटील म्हणाले की, महंत नामदेवशास्त्री यांचे सर्व उघड पडत आहे, जे बोलायचे आहे ते बोलून गेले, टोळीने दाखवले किती जातीवाद असतो. असे जातीवादी शब्द महाराष्ट्राने पहिल्यांदाच ऐकले आहेत. आरोपींचे समर्थन करणारे शब्द महाराष्ट्रचे नुकसान करणारे आहे, पोटातील ओठावर आले. बाबाला दोष देत नाही, करून घेणारी टोळी आहे. स्वतः साठी देवधर्म कळेना. काही लोकांनी ओबीसीच्या नावाखाली अन्यथा सहन केला. ओबीसी असून देखील त्यांच्यावर अन्याय झाला.आता लोक व्यक्त होत आहे. हे ही वृत्त वाचा दोन दिवसांत मार्ग काढा, हात जोडून सांगतो- मनोज जरांगे मराठा आरक्षणसाठी राज्यात 3 तरुणांनी आत्महत्या केली होती. यावरून मराठा आंदोलक मनोज जरांगे यांनी समाजबांधवांना आत्महत्या न करण्याची विनंती केली. न मिळणारे आरक्षण आपल्याला मिळत आहे. मला राज्यात कुणाची नाही, पण तुमची फार गरज आहे. मी तुमच्या पाया पडतो, तुम्ही आत्महत्या करू नका, असे मनोज जरांगे म्हणाले. एका टक्क्यावरून हुकले, तर हुकू द्या. धाडसी बना. एक दोन वर्ष रिपीट करा, पण आपल्या आई-बापापासून लांब जाऊ नका. आपल्या आई-बापाला दुसरा कोणाचा आधार नाही, असेही ते म्हणाले. वाचा सविस्तर

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article