औषध विक्रेत्यांचा रक्तदान शपथेचा विक्रम:पहिल्याच दिवशी 70 हजार झाले रक्तदान, अनिल नावंदर यांची माहिती

माढा अखिल भारतीय औषधी विक्रेता संघटना व महाराष्ट्र राज्य केमिस्टस् अॅन्ड ड्रगिस्टस् असोसिएशन चे अध्यक्ष जगन्नाथजी शिंदे यांच्या अमृत महोत्सवी वाढदिवस व अखिल भारतीय औषधी विक्रेता संघटनेचा सुवर्ण महोत्सवी वर्षपूर्ती निमित्त देशांतर्गत राबविण्यात आलेल्या रक्तदान व रक्तदानासाठी शपथ या कार्यक्रमांतर्गत ८० हजार ३०६ औषध विक्रेत्यांनी रक्तदान करण्याची शपथ घेतली असून शपथेच्या पहिल्याच दिवशी ७० हजाराहून अधिक औषध विक्रेत्यांनी रक्तदान केल्याने संघटनेचे नांव गिनीज बुक ऑफ वर्ल्ड रेकॉर्डमध्ये समाविष्ट करण्यात आले असल्याची माहिती संघटनेचे उपाध्यक्ष अनिल नावंदर यांनी दिली. या वेळी अनिल नावंदर म्हणाले, जगन्नाथ आप्पासाहेब शिंदे हे मागील ४० वर्षांपासून केमिस्ट संघटनेमध्ये औषध वितरण व आरोग्य सेवेमध्ये उल्लेखनीय कार्य करीत असल्याने महाराष्ट्र राज्यातील औषध विक्रेते, वैद्यकीय प्रतिनिधी (एमआर), फार्मसी कॉलेजेस, औषधी दुकानातील कर्मचारी वर्ग यांच्या अनेक घटकातील नागरिकांनी या उपक्रमामध्ये सहभाग नोंदवला.