गणेश जयंती पालखी मिरवणुकीत 800 महिला व पुरुषांचा सहभाग

गणेश जयंती निमित्त एकदंत गणेश मंडळातर्फे शहरातून पालखी मिरवणूक काढण्यात आली. या मिरवणुकीत महिलांचा मोठा सहभाग होता. मंडळाच्या सर्व पुरुष व महिला कार्यकर्त्यांनी दक्षिणात्य पोशाख परिधान केल्याने नगरकरांचे लक्ष वेधले. गणपती बाप्पा मोरया बरोबरच व्यंकटरमना गोविंदा गोविंदा नामाचा गजर करण्यात आला. मिरवणूक मार्गावर रांगोळी काढण्यात आली. यात सामाजिक संदेश देणारे घोषवाक्य काढण्यात आले. मिरवणूक मार्गातील प्रत्येक चौकात कथक नृत्य सादर करण्यात आले. ८०० महिला व पुरुषांचा सहभाग होता. उत्सवाचे हे २१ वे वर्ष असल्याने श्री एकदंत गणेश मंदिरास प्रति बालाजी मंदिरासारखे रूप देऊन आकर्षक सजावट करण्यात आले. गणेश जयंती निमित्त एकदंत कॉलनी, दातरंगे मळा येथील एकदंत गणेश मंदिरात सकाळी महाअभिषेक व होमहवन करण्यात आले. त्यानंतर पालीखची महापुजा करुन भव्य पालखी मिरवणुकीला सुरुवात झाली. या पालखी मिरवणुकीत महिलांनी एकसारख्या साड्या परिधान करुन पद्मशाली समाजात प्रसिद्ध असलेले सांस्कृतिक कार्यक्रम बत्कम्मा व लेझिम खेळ खेळला. तरुण कार्यकर्त्यांनी लाठीकाठी व लेझिम खेळतुन मिरवणुकीची शोभा वाढवत होते. तसेच चौका चौकात कथक नृत्य सादर करण्यात आले. पालखी मिरवणूक गांधी मैदान येथील श्री मार्कंडेय मंदिरात पोहोचल्यानंतर मिरवणुकीत सहभागी भावी भक्तांना अल्पोपहार देण्यात आले. ही शोभायात्र दारतंगे मळा, दिल्लीगेट, नवरंग व्यायाम शाळा रोड, शितळे देवी मंदिर रोड, बागडपट्टी रोड, नेता सुभाष चौक, मार्कंडेय मंदिर, गांधी मैदान, चितळे रोड, चौपाटी कारंजा, नालेगांव, वाघगल्ली, पुन्हा दातरंगे मळा या प्रमुख मार्गावरुन बॅण्ड पथक, लेझिम, सांस्कृतिक बत्कम्मा यांच्यासह निघाली.