डॉ. सुगत वाघमारेंच्या पदयात्रेस मुस्लीम समाज बांधवांचा उत्स्फूर्त प्रतिसाद:500 विद्यार्थी, खेळाडू, नागरिकांना मतदान करण्याची दिली शपथ‎

वंचित बहुजन आघाडीचे मूर्तिजापूर विधानसभा क्षेत्राचे उमेदवार डॉ. सुगत वाघमारे यांना मुस्लीम समाज बांधवांचा पाठिंबा मिळत असल्याचे संकल्प पद यात्रेदरम्यान दिसून आले. शनिवारी शहरातील जुन्या वस्तीतून पदयात्रेला सुरुवात झाली होती. या यात्रेत मुस्लीम बांधवांचा उत्स्फूर्त प्रतिसाद होता. जुने वस्तीत आयोजित संकल्प पदयात्रेत डॉ. सुगत वाघमारे यांनी मुस्लिम समाज बांधवांच्या अडचणी जाणून घेतल्या. यावेळी ते म्हणाले की, युवकांसाठी विविध उद्योगधंदे, विद्यार्थ्यांच्या शिक्षणासाठी सुविधा उपलब्ध करून देणार आहोत. मूर्तिजापूर शहरांत सौंदर्यीकरणासाठी व शहर हिरवेगार करण्यासाठी विविध योजना आपण आखल्या आहेत. मुस्लिम समाजातील युवकांसाठी उद्योग उभारण्यासाठी सर्वतोपरी मदत करु. आर्थिक अडचणीतील विद्यार्थांना शिक्षणासाठी मदत करु. या वेळी नवे घरकुल , जुने घरकुल , पठाणपुरा , कुरेश नगर , टिपू सुलतान चौक , बाबा मंगलदास नगर , खडकपुरा , मोहम्मदीया प्लॉट , देवरण रोड चौफुली , रहेमत नगर , नालसाबपुरा येथे संवाद साधला. या वेळी प्रतिभा अवचार , संगीत कांबे , तसावार खान , शेख इम्रान शेख खलील , रम्मूभाई , रफिक कुरेशी , निजाम ललकार , अब्दुल बाकी , मंजूर अहमद मोहम्मद कल्लू , प्रशांत सोळंके, मोहन वसोकार , लक्ष्मी वानखडे , किर्दक मॅडम , शिल्पा वानखडे , बोरकर , संजय नाईक , संदीप सरनाईक , शेख मुख्तार आदीसह वंचित बहुजन आघाडीचे पदाधिकारी कार्यकर्ते व नागरिक उपस्थित होते. डॉ. वाघमारे यांचा विजय म्हणजे माझा विजय- प्रतिभा अवचार संकल्प यात्रेदरम्यान मागील निवडणुकीत अगदी थोड्या फरकाने विजयापासून वंचित राहिलेल्या प्रतिभा अवचार यांनी डॉ. सुगत वाघमारे यांचा विजय म्हणजे माझा विजय, असे समजून मतदान करण्याचे आवाहन केले.