दूरदृष्टीचा उमेदवार निवडून दिला की विकास थांबत नाही:बाळासाहेब आंबेडकर यांची दर्यापूर येथे जाहीर सभा

‘वेळोवेळी होत असलेल्या जातीय दंगली थांबवण्यासाठी वंचित बहुजन आघाडीच्या उमेदवारांना मतदान करुन प्रतिनिधीत्व करण्याची संधी द्या. दूरदृष्टी असलेला लोकप्रतिनीधी निवडून दिला की विकास थांबत नाही,’ असे प्रतिपादन ‘वंचित’चे अध्यक्ष अॅड. बाळासाहेब आंबेडकर यांनी केले. वंचित बहुजन आघाडीचे दर्यापूर मतदार संघाचे उमेदवार अंकुश वाकपांजर यांच्या प्रचारार्थ शुक्रवारी आयोजित दर्यापुर येथील सभेत ते बोलत होते. ॲड. आंबेडकर म्हणाले, ओबीसी, एससी, एसटी आरक्षण धोक्यात आले आहे‌. याचवेळी महाविकास आघाडी व महायुतीचा चांगलाच समाचार त्यांनी घेतला. यावेळी व्यासपीठावर प्रा. धैर्यवर्धन पुंडकर, यांच्यासह संजय चौरपगार, पुंडलीक वाट, सदानंद नागे, साहेबराव वाकपांजर, अँड.धमेद्र आठवले, गणेश कुटेमाटे, अशोक नवलकार, अशोक दुधंडे, सुरेंद्र तायडे आदी उपस्थित होते. प्रास्ताविक अंकुश वाकपांजर यांनी केले तर सूत्रसंचालन श्रीकृष्ण डोंगरे यांनी केले.