दोन दिवसीय आकृती आर्ट कॅम्पमध्ये 60 विद्यार्थी, कलाकारांचा उत्स्फूर्त सहभाग:बाबासाहेब ढोणे चित्रकला महाविद्यालयाचा उपक्रम

येथील आकृती क्रिएशन व बाबासाहेब ढोणे चित्रकला महाविद्यालय अकोला यांच्या संयुक्त विद्यमानाने दोन दिवसीय आकृती आर्ट कॅम्प २०२५ चे आयोजन करण्यात आले होते. अकोल्यापासून २५ किलोमीटर अंतरावर सोनाळा येथे आकृती फार्म मध्ये हा कॅम्प निसर्ग रम्य वातावरणात घेण्यात आला. या कॅम्पमध्ये ६० विद्यार्थी व कलाकार यांनी सहभाग नोंदवला. कॅम्पच्या पहिल्या दिवशी आर्ट टीचर डिप्लोमा व फाउंडेशन जी. डी. आर्टच्या विद्यार्थ्यांकरिता कॅलिग्राफी या विषयावर पूर्ण दिवस प्रात्यक्षिक , चर्चासत्र व स्पर्धा राबवण्यात आली. पुण्याचे सुप्रसिद्ध कॅलिग्राफी आर्टिस्ट दीपक पूर्णई यांचे प्रात्यक्षिक व मार्गदर्शन विद्यार्थ्यांना मिळाले आहे. दुसऱ्या दिवशी नागपूरचे सुप्रसिद्ध चित्रकार प्राध्यापक प्रफुल्ल तायवाडे, शरद पवार चित्रकला महाविद्यालय नागपूर यांचे पेंटिंगचे प्रात्यक्षिक झाले. त्यानंतर दुसऱ्या सत्रामध्ये पुणे येथील सुप्रसिद्ध आर्टिस्ट चंद्रशेखर कुमावत, अभिनव कला महाविद्यालय पाषाण पुणे यांचे प्रात्यक्षिक झाले. तसेच मान्यवरांच्या कडून विद्यार्थ्यांच्या चित्राचे परीक्षण केले. कॅलिग्राफी स्पर्धेचे परीक्षण दीपक पूर्णई, प्रफुल्ल तायवाडे व चंद्रशेखर कुमावत यांनी केले. त्यानंतर बक्षीस पात्र विद्यार्थ्यांना प्रमाणपत्र ट्रॉफी व पारितोषिक देण्यात आली. कॅलिग्राफी स्पर्धेतील विजेते प्रथम पारितोषिक किरण चिकनकर , द्वितीय पारितोषिक भाविक महल्ले, तृतीय पारितोषिक श्रावणी हाडोळे उत्तेजनार्थ पारितोषिक संजना प्रजापति व कलाकार विभाग प्रथम पारितोषिक निळकंठ सानप व द्वितीय पारितोषिक प्रसन्न राव देव यांनी मिळवले. पेंटिंग स्पर्धेमध्ये प्रथम पारितोषिक राधा कात्रे द्वितीय पारितोषिक भाविक महल्ले तृतीय पारितोषिक अंकित इंगळे उत्तेजनार्थ पारितोषिक प्राची आहेर व विपश्यना गोपनारायण यांनी उत्तेजनार्थ पारितोषिक मिळवले आहे. या कॅमच्या दरम्यान संस्थेचे उपाध्यक्ष शंकर रावजी गिरे, संस्थेचे सचिव श्रीकृष्ण आढाऊ, संस्थेचे पदाधिकारी सुनील कुमार नागपुरे, रणजीत सिंग बिंद्रा, प्रणव गोड, चित्रकार किशोर विभुते, चित्रकार मधुकर मानकर, मिलिंद जोग आदी मान्यवरांनी भेट दिली. आकृती क्रिएशनचे संचालक चित्रकार चंद्रशेखर उमेकर, तक्षण आर्किटेक्चरल कन्सल्टनसीचे संचालक कौस्तुभ उमेकर, व मयुरेश उमेकर, बाबासाहेब ढोणे चित्रकला महाविद्यालयाचे प्राचार्य गजानन बोबडे आदींचे या उपक्रमासाठी मार्गदर्शन लाभले.