नमिता मुंदडा यांची आमदारकी संकटात?:निवडणूक आयोगाला HCची नोटीस; मागणी करूनही फॉर्म 17 सी दिला नसल्याचा दावा

भारतीय जनता पक्षाच्या आमदार नमिता मुंदडा यांच्या निवडीला आव्हान देणारी याचिका मुंबई उच्च न्यायालयाच्या औरंगाबाद खंडपीठात दाखल करण्यात आली होती. या याचिकेवर आता खंडपीठाचे न्यायमूर्ती अरुण पेडणेकर यांनी नमिता मुंदडा यांच्या निवडीवरून निवडणूक आयोगास नोटीस बजावण्याचे आदेश दिले आहेत. त्यामुळे आता नमिता मुंदडा यांची आमदारकी संकटात येणार का? असा प्रश्न उपस्थित होत आहे. बीड जिल्ह्यातील केज विधानसभा मतदारसंघात भारतीय जनता पक्षाकडून नमिता मुंदडा या निवडणुकीला सामोऱ्या गेल्या होत्या. तर त्यांच्या विरोधात राष्ट्रवादी काँग्रेस शरदचंद्र पवार पक्षाचे उमेदवार पृथ्वीराज साठे यांनी निवडणूक लढवली होती. मात्र, निवडणुकीत पराभव झाल्यानंतर पृथ्वीराज साठे यांनी खंडपीठात याचिका दाखल केली होती. निवडणूक निर्णय अधिकाऱ्यांनी मागणी करूनही फॉर्म 17 सी ची प्रत आपल्याला दिली नाही. त्याचप्रमाणे निवडणूक प्रक्रियेचे केलेले व्हिडिओ शूटिंग, सीसीटीव्ही फुटेज मागणी करूनही दिले नसल्याचे साठे यांनी आपल्या याचिकेत म्हटले आहे. याच याचिकेवर आता निवडणूक आयोगाला खंडपीठाने नोटीस जारी केली आहे. निवडणूक अधिकाऱ्यांनी विजयी उमेदवाराला झुकते माप दिले असल्याचा आरोप साठे यांनी आपल्या याचिकेत केले आहे. केज विधानसभा मतदारसंघासाठी निवडणूक आयोगाने कुठलेही नोटिफिकेशन काढले नाही. या बाबी निदर्शनास आल्यानंतर औरंगाबाद खंडपीठाने निवडणूक आयोगाला ही नोटीस जारी केली आहे. त्यामुळे आता आमदार नमिता मुंदडा यांची आमदारकी धोक्यात येते का? याबाबत प्रश्नचिन्ह उपस्थित केले जात आहे. त्यामुळे आता या याचिकेकडे सर्वांचेच लक्ष लागले आहे. याचिकेत करण्यात आलेले दावे