प्रसादालयातील संख्या 15 हजार 210 ने घटली:फक्त भाविकांसाठी मोफत जेवणाचा निर्णयानंतर पहिल्या दिवशीचे चित्र‎

साईबाबा संस्थानच्या प्रसादालयात भाविकांशिवाय इतरांना मोफत जेवण सशुल्क केल्यानंतर पहिल्याच दिवशी सायंकाळी ६ वाजेपर्यंत मोफत भोजन प्रसादाची दर्शनरांगेत,भक्तनिवा स व रुग्णालयातील रुग्ण आदींना ३५ हजार टोकन तिकिटे दिली. त्यापैकी १६ हजार १०१ भाविकांनी मोफत प्रसादाचा लाभ घेतला, तर सशुल्क पासे द्वारे २९०१ भाविकांनी प्रसाद भोजन घेतले. बुधवारी मोफत प्रसाद घेणाऱ्यांची संख्या ३१ हजार ३११ इतकी होती. १५ हजार २१० मोफत भोजन घेणाऱ्या भाविकांची संख्या पहिल्याच दिवशी घटली. शिर्डीतील वाढत्या गुन्हेगारीच्या पार्श्वभूमीवर प्रसादालयात नशाखोर व व्यसनी तसेच भिकाऱ्यांचा देणगीदार साईभक्त व सामान्य भाविकांना त्रास होऊ नये यासाठी साईबाबा संस्थानने गुरूवारपासून साईसंस्थानच्या प्रसादालयातील प्रसाद भोजनाची नियमावलीत बदल करून फक्त दर्शनसाठी आलेले भाविक,भक्तनिवासात राहिलेले भाविक आणि रुग्णालयात उपचार घेत असलेल्या रुग्णांना मोफत प्रसाद भोजन देण्यासंबधी निर्णय घेतला. या निर्णयाची गुरुवारपासून अंमलबजावणी करण्यात आली. त्यासाठी दर्शन रांगेच भाविकांना मोफत भोजन प्रसादाची कुपन- टोकन देण्यात आली, तर भक्तनिवासातील भाविकांना व रुग्णालयातील रूग्णांना मोफत टोकन कूपन देण्यात आले. साईसंस्थानच्या या निर्णयाचे भाविकांनी व शिर्डी ग्रामस्थांनी स्वागत केले आहे. संस्थानच्या प्रसादालयात भोजन घेताना भाविक. ५० रुपये देऊन २९०१ जणांनी घेतले भोजन साईप्रसादालयातील मुख्य हॉलमध्ये ६ वाजेपर्यंत ११७६७ भाविकांनी मोफत भोजन घेतले. द्वारावती भक्तनिवास व रुग्णालयातील रूग्ण १६६६ जणांनी ,साईबाबा भक्तनिवासात १५६३ भाविकांनी, साईआश्रम भक्तनिवास १०८५ भाविकांनी मोफत भोजन प्रसाद घेतला. दिवसभर २९०१ भाविकांनी व सशुल्क ५० रुपयांची तिकीटे घेऊन २९०१ लोकांनी भोजन प्रसाद घेतला .