बीड: चिंचोली माळी येथे अपघातात दिव्यांग गंभीर जखमी

केज : पुढारी वृत्तसेवा : केज तालुक्यातील चिंचोली माळी येथे येथे दिव्यांगाच्या स्वयंचलित वाहनाचा अपघात होऊन दिव्यांगाच्या डोक्याला गंभीर मार लागला. ही घटना आज (दि.२७) सायंकाळी ५.३० च्या सुमारास घडली. सुदाम गोवर्धन विक्कड (रा. नाव्होली, ता. केज) असे जखमी दिव्यांगाचे नाव आहे.

याबाबत अधिक माहिती अशी की, आज सायंकाळी ५.३० च्या सुमारास सुदाम आपल्या गावाकडे जात होता. यावेळी चिंचोली माळी येथील कृष्ण मंदिराजवळ त्यांचे स्वयंचलित वाहन पलटी झाले. या अपघातात सुदाम यांच्या डोक्याला गंभीर मार लागला. अपघाताची माहिती मिळताच पोलीस जमादार बाबासाहेब बांगार, शिवाजी कागदे, सचिन वाघमारे आणि रुग्णवाहिका चालक मुंडे यानी तत्काळ त्यांना केज येथील उपजिल्हा रुग्णालयात हलविले. येथे प्रथमोपचार करून पुढील उपचारासाठी अंबाजोगाई येथील स्वामी रामानंद तीर्थ ग्रामीण रुग्णालय व वैद्यकीय महाविद्यालयात हलविण्यात आले.