मंगळुरूमध्ये 3 विद्यार्थीनींचा पूलमध्ये बुडून मृत्यू; रिसॉर्ट मालकासह मॅनेजरला अटक

पुढारी ऑनलाईन डेस्क : म्हैसूरमधील तीन विद्यार्थीनींचा बीच रिसॉर्टमध्ये बुडून मृत्यू झाल्याची घटना घडली होती. या प्रकरणी पोलिसांनी मंगळुरू येथील एका रिसॉर्टच्या मालक आणि मॅनेजरला अटक केली आहे, असे एका वरिष्ठ पोलीस अधिकाऱ्याने सांगितले. मंगळुरुजवळील उल्लाल हद्दीत असलेल्या वाज्को रिसॉर्टचा मालक मनोहर आणि रिसॉर्टचा मॅनेजर भरत अशी अटक करण्यात आलेल्यांची नावे आहेत.पुढील तपास सुरू आहे," मंगळूरचे पोलिस आयुक्त अनुपम अग्रवाल यांनी सांगितले.

म्हैसूरमधील तीन विद्यार्थीनी शनिवारी (दि.16) एका रिसॉर्टमध्ये गेल्या होत्या. यानंतर त्या रिसॉर्टमध्ये आल्याच्या एका दिवसानंतर वाझको रिसॉर्टच्या जलतरण तलावात मृतावस्थेत आढळले. कीर्थना (वय.21), निशिता (वय.21) आणि पार्वती (वय.20) यांचा बुडून मृत्यू झाल्याचे समोर आले. या प्रकरणी त्या दोघांना अटक करण्यात आली आहे. या घटनेचा अधिकचा तपास पोलिस सध्या करत आहेत.