मंत्री प्रताप सरनाईक यांचे स्वप्न भंगले

राज्यात युतीचे सरकार आल्यानंतर तत्कालीन परिवहन मंत्री दिवाकर रावते यांनी जीवनराव गोरे यांना अध्यक्षपदाहून दूर केले. या विरोधात गोरे यांनी न्यायालयात धाव घेतली. परंतु, रावते यांनी केंद्रीय परिवहन कायद्यात सुधारणा करून घेतली. त्यानुसार एसटीच्या अध्यक्षपदी परिवहन मंत्री नियुक्त झाले. रावते यांच्यानंतर शिवसेनेचे अनिल परब एसटीचे अध्यक्ष झाले. राज्यात महायुतीचे सरकार आल्यानंतर तत्कालीन मुख्यमंत्री एकनाथ शिंदे हे एसटीचे अध्यक्ष झाले. केंद्रीय कायद्यात पुन्हा दुरुस्ती झाल्यानंतर त्यांनी विधानसभा निवडणुकीच्या तोंडावर मंत्रिपद न मिळाल्यामुळे नाराज असलेले आमदार भरत गोगावले यांची एसटीच्या अध्यक्षपदी नियुक्ती करण्यात आली. परंतु एसटीचे अध्यक्षपदही आपल्यालाच मिळावे यासाठी सरनाईक यांनी संजय सेठी यांच्यामार्फत मुख्यमंत्री फडणवीस यांच्याकडे प्रस्ताव सादर केला होता. सदरचा प्रस्ताव नाकारत मुख्यमंत्री फडणवीस यांनी सेठी यांचे नियुक्ती करत सरनाईक यांना धक्का दिला आहे.