मला राज्यपाल पदाची ऑफर नाही; मी मागासवर्गीयांमध्ये काम करणारा कार्यकर्ता:छगन भुजबळ, लोकं शिवाजी महाराजांबद्दल असे विधान कसे करतात?

मला राज्यपाल पदाची ऑफर नाही, मी सामान्य लोकांमध्ये आणि मागासवर्गीयांमध्ये काम करणारा कार्यकर्ता आहे, असे राष्ट्रवादी काँग्रेसचे नेते छगन भुजबळ यांनी म्हटले आहे. त्यांच्यावर येणाऱ्या संकटात मला पुढे राहून लढावे लागते, जर असे पद घेतले तर मी काहीच बोलू शकणार नाही. दरम्यान छगन भुजबळ म्हणाले की, राज्यपालपद खूप मोठे पद आहे, पण ते मी जर घेतले तर मी कुणासाठी बोलू शकणार नाही, भांडू शकणार नाही. त्या पेक्षा मला मागासवर्गीय समाजाचा कार्यकर्ता हे पद सर्वांत मोठे आहे. महाराजांबद्दल वाट्टेल ते कसे बोलतात छगन भुजबळ म्हणाले की, लोकं छत्रपती शिवाजी महाराज यांच्याबद्दल काहीही वक्तव्य कशी करतात. औरंगजेबाकडे देशावर राज्य होते त्यांच्या लोकांना लाच देऊन कसे बाहेर पडू शकते. छत्रपती शिवाजी महाराज हे बुद्धिमत्तेच्या जोरावर आग्र्याहून बाहेर पडले. सोलापूरकरच्या म्हणण्या प्रमाणे ते जर आले असते तर त्यांना शंभुराजेंना काशीला सोडून येण्याची गरज पडली नसती. इतिहास बदलणारे तुम्ही आम्ही कोण? असा सवालही भुजबळांनी उपस्थित केला आहे. ..त्यातील कुणी बाहेर बोलले असेल छगन भुजबळ म्हणाले की, संजय राऊत काय बोलतात त्यावर मी काही बोलणार नाही. ते त्यांच्या माहितीमधून बोलत असतात. तसे जर काही गाढले असेल तर शिंदे तसे काही गाडू शकत नाही त्यासाठी 10 ते 20 माणसं लागली असतील, यातील कुणी बाहेर बोलले असेल. तर मला काही माहिती नाही. निवडणूक आयोग उत्तर देईल छगन भुजबळ म्हणाले की, विधानसभेतील मतदानावर हायकोर्टाने उपस्थित केलेल्या मुद्द्यावर निवडणूक आयोग उत्तर देईल. पण आपण सर्व बघतो की दुपारी तिथे कुणी जात नाही. मग सायंकाळी लोकांची गर्दी होते आणि मतदान वाढते हा माझा अनुभव आहे. मग मतदान केंद्रावर 7 ते 8 वाजेपर्यंत मतदान होते. हायकोर्टाने जे विचारले त्यावर प्रशासन उत्तर देईल.