मुस्लीम समाज कधीच भाजपला मतदान करत नाही:आप अन् काँग्रेसचे चुकले असेल पण आता जे झाले ते झाले- नितीन राऊत

मुस्लीम समाजाने आपल्याला मतदान केले समजून भाजपने आपली छाती फुगवू नये, असा टोला काँग्रेस नेते नितीन राऊत यांनी दिल्ली निकालावरुन टोला लगावला आहे.मुस्लीम समाज कधीच भाजपला मतदान करत नाही, मुस्लीम समाजाने स्वत:चा आणि कुटुंबाचा जीव वाचावा म्हणून हे केले. नितीन राऊत पुढे बोलताना म्हणाले की, मी काल दिल्लीत होता, सरकारी जमीनीवर अतिक्रमण करत झोपड्या टाकण्यात आल्या. मुस्लीम समाजाच्या मोठ्या प्रमाणात अशा झोपडपट्या आहेत. या लोकांना पैसे दिले गेले पोलिसांनी त्यांना मारहाण केली, त्यांना घरे पाडण्याची धमकी देण्यात आली. मुस्लीम भाजपला कधीच मतदान करत नाही नितीन राऊत म्हणाले की, मुस्लीम समाज हा भाजपला कधीच मतदान करत नाही, आणि करणारही नाही. भाजपने खरे काय आहे ते सांगितले पाहिजे. त्यांनी जे केले ते स्वत:चा जीव आणि कुटुंब वाचविण्यासाठी केले आहे. आप-काँग्रेस दोघांचेही चुकले नितीन राऊत म्हणाले की, टाळी ही एका हाताने वाजत नसते. आपण ज्याला आघाडी म्हणतो त्यात दोन्ही पक्षाने समन्वय साधायचा असतो. पण केजरीवाल आणि आमचे दोघांचेही चुकले असेल, पण आता जे झाले ते झाले यानंतर ते घडू नये यासाठी काळजी घेतली पाहिजे. गेल्या निवडणुकीत आम्हाला 4 टक्के मतदान पडले होते आता 6 टक्के मतदान पडले. यामुळे आम्ही लोकांमध्ये आम्ही जात आहोत. पुढच्या निवडणुकीसाठी आम्ही तयारी करणार आहोत. भाजपचे नेते संविधानाला मानतात का? नितीन राऊत म्हणाले की, काँग्रेस आणि आप हे दोन पक्ष वेगळे लढल्याने दिल्लीत भाजपचा विजय झाला. भाजप वाल्याने सत्ता खेचून नेली आहे. तिथे पैसे वाटले, दबावतंत्र वापरले गुन्हेगारांना मैदानात उतरवत भाजपने सत्ता मिळवली. भाजपचे नेते लोकशाहीला आणि संविधानाला मानतात का? जे महाराष्ट्रात घडले ते तिथे घडले नसेल का? निवडणूक आयोग आणि भाजप हातात हात घेऊन चाल आहे असा आरोपही त्यांनी यावेळी केला आहे. महाराष्ट्राच्या निकालाची पुनरावृत्ती नितीन राऊत म्हणाले की, दिल्ली निवडणुकीत महाराष्ट्राच्या निकालाची पुनरावृत्ती होत आहे. भाजपवाले अनेकदा रडले आहेत. ते देशाच्या संविधानाला जुमानत नाही असेही राऊत यांनी म्हटले आहे.