लातूरच्या सायकल क्लब सदस्यांची बुलेटवर प्रयागवारी:कन्नडचे नायब तहसीलदार व ग्रामस्थांनी केले जंगी स्वागत

कन्नड शहरातील पिशोर नाका येथे लातूर येथील लातूर सायकल क्लबच्या हौशी मंडळीचे नायब तहसीलदार श्रावण उगले व कन्नड ग्रामस्थांच्या वतीने जोरदार स्वागत करण्यात आले. या क्लबमधील २० बुलेटस्वारांनी लातूरहून बुलेटने यवतमाळमार्गे प्रथम प्रयागराज, वाराणसी, चित्रकूट, बागेश्वर धाम, उज्जैन महाकाल, ओंकारेश्वर व कन्नडमार्गे घृष्णेश्वर दर्शन करून लातूर गाठले. या प्रवासात लातूर सायकल क्लबचे सदस्य अमृत मेळकुंदे, गणेश हाके, संदेश महिंद्रकर, रितेश अवस्थी, अविनाश आळंदकर, धर्मापुरीकर सचिन, बिराजदार गंगाधर, महेश तोंडारे, प्रवीण खरखले, संतोष बादाडे, जगन बादाडे, जगताप विजयकुमार, सुराज जगताप, राजेश हाके, सिद्धेश्वर जगताप, संदीप डांगे, व्युकुराम गायकवाड, जाधव, रवी तावरे, उगले श्रावण, कन्नडचे बाळू दाभाडे, किशोर (डाले) पाटील, तेजरूपा सोनवणे हे चालक सहभागी झाले होते. कन्नडचे नायब तहसीलदार श्रावण उगले, लातूर शहरातील डॉक्टर, इंजिनिअर, व्यावसायिक, प्रवासाची आवड असलेली निसर्गप्रेमी मंडळी सहभागी झाली होती. क्लबद्वारे वृक्षारोपण, रक्तदान, स्वच्छता मोहीम यासारखे विविध उपक्रम राबवले जातात.