शरद पवार जातीयवादी नाही हे फक्त सांगतात:लोकांना ते कसे माहिती, देवेंद्र फडणवीस यांचा नागपुरातून हल्लाबोल

शरद पवार हे सांगताना मी जातीयवादी नाही हे सांगतात पण ते काय आहेत हे लोकांना माहिती आहे. मला त्यावर बोलायचे नाही. त्यांनी ज्या नोमाणींचा पाठिंबा घेतला आहे, 17 मागण्या मान्य केल्या. त्या नोमाणींनी सांगितले की व्होट जिहाद होगा असे म्हणत आहे. तर शरद पवार, अजीम सिपाही है असे म्हटल्याचे भाजप नेते देवेंद्र फडणवीस यांनी म्हटले आहे. नीतेश राणे हे नव्या रक्ताचे हिंदुत्ववादी आमदार नीतेश राणे हे नव्या रक्ताचे हिंदुत्ववादी आक्रमक नेतृत्व म्हणून पुढे येत आहेत. विधानसभेतील त्यांची भाषणे अभ्यासपूर्वक आहेत. संपूर्ण राज्यात हिंदू जागरणाचे त्यांनी केलेले कार्य अत्यंत महत्त्वपूर्ण आहे. कणकवली म्हणजे राणे कुटुंबियांचा बालेकिल्ला. आमदार नीतेश राणे हे कणकवली विधानसभेतून निवडून येणारच, असा विश्वास भाजप नेते उपमुख्यमंत्री देवेंद्र फडणवीस यांनी व्यक्त केला आहे. नीतेश राणेंना हॅट्रिकसाठी खूप खूप शुभेच्छा देवेंद्र फडणवीास म्हणाले की, नीतेश राणेंना आमदारकीच्या हॅट्रिकसाठी खूप खूप शुभेच्छा. त्यांच्या विजयासाठी मी अतिशय मनापासून शुभेच्छा देतो. कणकवली मतदारसंघातील सर्व मतदारांना माझे विनम्र आवाहन आहे की, संघटित शक्तीसाठी राणे विधानसभेत असलेच पाहिजे. मोठ्या मताधिक्याने नीतेश राणेंना निवडून द्या. विशिष्ट समाजाचे लोक सातत्याने फक्त भाजपलाच मतदान करतात- पवार शरद पवार म्हणाले की, सत्ताधारी ज्या अर्थी हा विषय पुढे करत आहेत. याचा अर्थ आपल्याला यश मिळणार नाही, अशी खात्री त्यांना झाली आहे. म्हणूनच ते असा विषय बाहेर काढत आहेत. त्या समाजाची आम्हाला सवय झाली. पुण्यातील काही मतदारसंघांत विशिष्ट समाज भाजपलाच मतदान करतो. त्या समाजाची आम्हाला सवय झालीय. व्होट जिहाद हा शब्द वापरून देवेंद्र फडणवीस आणि त्यांचे सहकारी एक प्रकारे या निवडणुकीला धार्मिक रंग देण्याचा प्रयत्न करत आहेत. भाजपला मतदान करणाऱ्या मुस्लिमांवर बहिष्काराचे मौलाना नोमाणींचे आवाहन- फडणवीस लोकसभेत भाजपला मतदान करणाऱ्या मुस्लिमांना शोधून काढा, त्यांचे दाणापाणी बंद करा, त्यांच्यावर सामाजिक बहिष्कार घाला, असे नोमाणींचे आवाहन आहे. मविआकडून मुस्लिम मतांचे धुव्रीकरण, मुस्लिम मतांचे ध्रुवीकरण करून कोणत्याही परिस्थितीत ही निवडणूक जिंकायची असे मविआने ठरवले आहे. व्होट जिहादचे सिपाह सालार राहुल गांधी, शरद पवार, उद्धव ठाकरे, नाना पटोले असल्याचे मौलाना नोमाणींनी मतदानाचे आवाहन करणाऱ्या व्हिडिओत सांगितले आहे, असे म्हणत फडणवीसांनी हल्लाबोल केला आहे.