शिवरक्षक मर्दानी आखाडा स्पर्धेत कुर्डुवाडी संघाचे यश:मुलामध्ये अर्णव खारे द्वितीय मुलीमध्ये माहेश्वरी सोनवणे द्वितीय

क्रीडा व युवक सेवा संचलनालय महाराष्ट्र राज्य पुणे अंतर्गत सोलापूर जिल्हा क्रीडा अधिकारी आणि आस्टेडू आखाडा यांच्या संयुक्त विद्यमाने जिल्हास्तरीय क्रीडा स्पर्धेत बार्शीमध्ये शिवरक्षक मर्दानी आखाडा कुर्डूवाडीच्या संघाने यश मिळवले आहे. २७ जानेवारी रोजी बार्शीतील कथले सभागृहात स्पर्धा आयोजित करण्यात आले होत्या. १४ वर्षे ते १७ वर्षे वयोगटातील मुला-मुलींनी सहभाग नोंदवला होता. दरम्यान कुर्डुवाडीतील १४ वर्ष मुले समर्थ घोडके, आर्यन निकम, नाझीम शेख, तन्मय जगताप, संस्कार देशमुख यांनी यश मिळवले. तर १४ वर्षे मुलीच्या गटामध्ये स्वरा माने, शौर्य हांडे शर्वरी कनकधर यांनी बाजी मारली. त्याचबरोबर १७ वर्षे मुले वयोगटात मयूर घोडके, आर्यन खांडेकर यांनी प्रतिस्पर्धींवर मात केली. तसेच १७ वर्षे मुलीत वैष्णवी घोडके, सृष्टी वाघमारे, श्रेया देशमुख, अनुष्का व्यवहारे, रोशनी शेळके विद्यार्थ्यांची विभागीय स्तरावर निवड झाली. संस्थापक अध्यक्ष चंद्रकांत घोडके, उपाध्यक्ष आकाश साळवे, रंजित माने, संदीप शहा सुनील खारे यांचे मार्गदर्शन लाभले.