संविधान गौरव दिनानिमित्त खुलताबाद येथे अभियान:डॉ. आंबेडकर यांच्या पुतळा परिसरात स्वच्छता

संविधान गौरव दिनानिमित्त भारतीय जनता पक्षाच्या वतीने शुक्रवारी खुलताबाद येथील डॉ. बाबासाहेब आंबेडकर यांच्या पुतळ्याच्या परिसराची स्वच्छता करून पुतळ्यास पुष्पहार अर्पण करून अभिवादन करण्यात आले. तसेच संविधानाचे महत्व सांगून सामूहिक प्रार्थना करण्यात आली. दरम्यान, कमला नेहरू विद्यालयामध्ये रांगोळी स्पर्धेचे आयोजन करून उत्कृष्ट रांगोळी काढणाऱ्या मुलींना पारितोषिक मान्यवरांच्या हस्ते देण्यात आले. कार्यक्रमास भारतीय जनता पक्ष जिल्हा सरचिटणीस ज्योतीताई गायकवाड, जिल्हा संयोजक अविनाश गायकवाड, तालुका संयोजक तथा जिल्हा चिटणीस अर्चना अंभोरे, जिल्हा उपाध्यक्ष प्रकाश वाकळे, जिल्हा सरचिटणीस एल. जी. गायकवाड, माजी उपसभापती दिनेश अंभोरे, विधानसभा निवडणूक प्रमुख विकास कापसे यांच्यासह पदाधिकारी व कार्यकर्ते मोठ्या संख्येने उपस्थित होते. अनेकांनी मनोगत व्यक्त केले.