सटाणा महाविद्यालयात स्वाक्षरी स्पर्धा:निबंध लेखन, काव्यवाचन स्पर्धेसह कला प्रदर्शन‎

सटाणा महाविद्यालयात आयोजित मराठी भाषा संवर्धन पंधरवड्यानिमित्त विविध स्पर्धेत विजयी झालेले विद्यार्थी. समवेत प्राध्यापक तर दुसऱ्या छायाचित्रात मराठी भाषा पंधरवड्यात पुस्तक परीक्षण करताना विद्यार्थिनी. प्रतिनिधी |सटाणा सटाणा येथील कर्मवीर आबासाहेब तथा ना. म. सोनवणे कला, वाणिज्य व विज्ञान महाविद्यालयात आयोजित भाषा संवर्धन पंधरवड्याच्या झालेल्या विविध स्पर्धेत शंभर विद्यार्थानी सहभाग घेत आपल्या कलेचे प्रदर्शन घडविले. कर्मवीर आबासाहेब तथा ना. म. सोनवणे महाविद्यालयात झालेल्या भाषा संवर्धन पंधरवड्यात निबंध लेखन, काव्यवाचन, शुद्धलेखन, वक्तृत्व, वादविवाद स्पर्धा, रांगोळी, पोस्टर प्रेझेंटेशन, स्वाक्षरी स्पर्धा, पुस्तक परीक्षण, ग्रंथप्रदर्शन, नाटिका, व्याख्यान या उपक्रमांनी विद्यार्थी व प्राध्यापकांना मराठी भाषेबद्दल अभिमान जागृत करण्यासाठी मंच उपलब्ध करून दिला या स्पर्धेत महाविद्यालयाती शंभर विद्यार्थानी सहभाग घेतला होता. "मराठी भाषा संस्कृती अस्मिता व परंपरेचे प्रतीक असुन मराठी भाषा ही केवळ संवादाचे साधन नसून ती आपल्या संस्कृतीचे, परंपरेचे आणि अस्मितेचे प्रतीक आहे. वैभवशाली इतिहासाची ओळख करून देत आजच्या तरुण पिढीने या भाषेच्या संवर्धनासाठी पुढाकार घेणे गरजेचे असुन आधुनिक तंत्रज्ञानाच्या युगात मराठी भाषेचा अभिमान राखावा व संवर्धन करावे असे आवाहन मराठी भाषा अभ्यासक प्रा. गंगा गवळी यांनी समारोपप्रसंगी केले. मराठी भाषा संवर्धन पंधरवडा यशस्वी करण्यासाठी मराठी विभाग प्रमुख डॉ. उषा सोरते, प्रा. नानासाहेब निकम, प्रा. सोमनाथ फुगट यांनी प्रयत्न केले.