सापापेक्षा अशी व्यक्ती असते जास्त विषारी! चुकूनही मैत्री करू नका, जाणून घ्या चाणक्यनिती

2 hours ago 1

भारतात चाणक्यनितीचे प्रमाण वेगवेगळ्या प्रसंगी अनुभवण्यास मिळतात. आचार्य चाणक्य यांनी काही वर्षांपूर्वी सांगितलेली नितीमत्ता आजही लागू होते. त्यामुळे मानवी स्वभावात फार काही बदलेलं नाही, म्हणून चाणक्यनितीबाबत आजही बारकाईने अभ्यास केला जातो. चाणक्यनितीत जीवनातील विविध समस्या आणि स्वभावावर प्रकाशझोत टाकण्यात आला आहे.

Rakesh Thakur | Updated on: Nov 18, 2024 | 8:20 PM

चाणक्यनितीनुसार, काही व्यक्तींचा सहवास हा एखाद्या विषारी सापासारखा असतो. आपण कोणासोबतही निस्वार्थपणे मैत्री करतो. पण काही वर्षे लोटल्यानंतर आपल्याला दगाफटका झाल्याचं जाणवतं. त्यामुळे चाणक्यनिती काही स्वभावाच्या लोकांपासून दूर राहण्यास सांगितलं गेलं आहे.

| सर्पो दंशति कालेन दुर्जनस्तु पदे-पदे || या श्लोकात आचार्य चाणक्य यांनी सापाला कपटी माणसापेक्षा जास्त बरा असल्याचं सांगितलं आहे.

दुष्ट आणि साप यांच्यातील फरक पाहिला तर दोघांमध्ये साप श्रेष्ठ ठरतो. कारण साप एकदाच चावतो. पण दुष्ट व्यक्ती प्रत्येक पावलावर आपल्याला संकटात टाकते. तसेच चांगल्या कामात अडचणी आणते.

एखाद्या व्यक्तीशी आपण निस्वार्थीपणे मैत्री करतो. त्यावर विश्वास टाकतो. पण त्याची वागणूक कशी आहे हे जाणून घेणं गरजेचं आहे. कारण एखाद्या वाईट व्यक्तीच्या सहवासात आलात तर आयुष्य उद्ध्वस्त होऊ शकते. तसेच अनेक अडचणींचा सामना करावा लागू शकतो.

भविष्यात त्याच्या वागण्यात सुधारणा होईल असा भ्रमही तुमच्यासाठी मारक ठरेल. कारण अनेकदा आपण चुकांवर पांघरून घालून एकप्रकारे त्याचं समर्थन करतो. त्याला माफ करणं ही चूक ठरते. वाईट माणसांमध्ये कधीच बदल होत नाही. ते कोणत्या कोणत्या प्रकारे कायम त्रास देत असतात. अशा व्यक्तींपासून दूर राहणं चांगलं राहतं.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article