हुतात्मा दिनी महात्मा गांधी यांना अभिवादन

राष्ट्रपिता महात्मा गांधा यांच्या ७८ व्या पुण्यतिथीदिनी हुतात्मा दिनानिमित्त शहर काँग्रेस कमिटी आणि टिळक राष्ट्रीय विद्यालय यांच्या संयुक्त विद्यमानाने शहर पोलीस स्टेशन समोरील गांधी उद्यानामध्ये अभिवादन कार्यक्रम गुरुवारी ३० जानेवारी रोजी पार पडला. या अभिवादन कार्यक्रमाला माजी आमदार दिलीपकुमार सानंदा, ज्येष्ठनेते विश्वपालसिंह जाधव, शहर काँग्रेस अध्यक्षा सरस्वतीताई खासने,माजी नगरसेवक किशोरआप्पा भोसले,खरेदी विक्री संघाचे संचालक पांडुरंग राखोंडे, बबलु पठान, रोहित राजपुत,टिळक राष्ट्रीय विद्यालयाचे सुधाकर अजबे गुरुजी,लोणाग्रे गुरुजी, मुख्याध्यापक संजय पातुर्डे आदींची प्रमुख उपस्थिती होती.यावेळी माजी आमदार सानंदा,टिळक राष्ट्रीय विद्यालयाचे हरिषचंद्र गिरी यांनी मनोगत व्यक्त केले. सर्वप्रथम राष्ट्रपिता महात्मा गांधी यांच्या पुण्यतिथीनिमित्त त्यांच्या पुतळयाला पुष्पहार अर्पण करुन अभिवादन करण्यात आले. यावेळी हुतात्मा दिनानिमित्त दोन मिनीटे मौन पाळुन व मेणबत्ती पेटवुन राष्ट्रपिता महात्मा गांधी यांना आदरांजली अर्पण करण्यात आली. यावेळी हाफीज साहेब, अस्लम पटेल, सैयद इमरान, तहेसीन शाह, पुरुषोत्तम शेजोळे, संदीप उभे, राजु पटेल,शेख रशीद, शेरु चौधरी, माणिक देशमुख, संतोष आटोळे,विनायक देशमुख, दीपक देशमुख, गणेश इंगळे,श्याम गायगोळ यांच्यासह इतर नागरिक उपस्थित होते, अशी माहिती एका प्रसिद्धी पत्रकाद्वारे कळवण्यात आली आहे.