Nagpur : आयसीएसआय आणि नागपूर चॅप्टर द्वारे आयोजित कार्यशाळेचे आयोजन

नागपुर (Nagpur) : नागपुर चॅप्टर ऑफ आयसीएसआय ने नागपूर चॅप्टर ऑफिसमध्ये कंपनीज ऍक्ट, 2013, “डिकोडिंग कंपनीज ऍक्ट : एम्पॉवरींग कंप्लायन्स अँड गव्हर्नन्स” या विषयावर कार्यशाळेचे आयोजन केले. ‘द इन्स्टिट्यूट ऑफ कंपनी सेक्रेटरीज ऑफ इंडिया’ (ICSI) च्या नागपूर चॅप्टरने 16 नोव्हेंबर 2024 ला त्यांच्या सदस्य आणि विद्यार्थ्यांसाठी कंपनीज ऍक्ट, 2013 या विषयावर नागपूर चॅप्टर ऑफिस नागपूर येथे कार्यशाळेचे आयोजन केले. कार्यशाळेचे प्रमुख पाहुणे आयसीएसआयचे अध्यक्ष सीएस बी. नरसिंहन होते.

या प्रसंगी दोन पॅनल चर्चांचे आयोजन करण्यात आले. पहिल्या पॅनल चर्चेतील विषय कंपनीज ऍक्ट, 2013 होता, ज्यामध्ये पॅनल चर्चासत्राचे पॅनलिस्ट सुनील झोन आणि चंचल राठोड होते, तर ओमप्रकाश बागडिया यांनी चर्चेचे समन्वयक म्हणून काम केले. दुसऱ्या पॅनल चर्चेचा विषय “डिकोडिंग कंपनीज ऍक्ट : एम्पॉवरींग कंप्लायन्स अँड गव्हर्नन्स” होता. या पॅनल चर्चेतील पॅनलिस्ट सीएस पूजा लुथरा आणि सीएस जय सोडानी होते, तर समन्वयक म्हणून सीएस सर्राह हुसेन कटवाला यांनी भूमिका निभावली.
कार्यशाळेची सुरुवात आयसीएसआयच्या अध्यक्षांनी नागपूर चॅप्टरच्या सदस्यांशी आणि विद्यार्थ्यांशी संवाद साधून केली.

पत्रकार परिषदेत आयसीएसआयचे अध्यक्ष बी. नरसिंहन यांनी मीडियाशी संवाद साधला. आयसीएसआयची भूमिका, गव्हर्नन्स आणि कंप्लायन्स, आयसीएसआय इंटरनॅशनल एडीआर सेंटर, द आयसीएसआय इंस्टिट्यूट ऑफ सोशल ऑडिटर्स, द आयसीएसआय सोशल ऑडिट स्टँडर्ड, द आयसीएसआय स्टार्टअप आणि एमएसएमई कॅटालिस्ट, द आयसीएसआय नॅशनल अवॉर्ड ऑफ एक्सलन्स इन कॉर्पोरेट गव्हर्नन्स अवॉर्ड, द आयसीएसआय यूडीआयएन, ईसीएसआईएन, आयसीएसआय ओव्हरसीज सेंटर्स, इंटरनॅशनल कॉन्फरन्स, विद्यार्थ्यांसाठी आयसीएसआय नवीन उपक्रम, कॉर्पोरेट आणि सिक्युरिटी मार्केट कंप्लायन्स (CSMC), आयसीएसआय गुरु श्रेष्ठ अवॉर्ड, इंटरनॅशनल कॉमर्स ऑलिम्पियाड, आयसीएसआय अकॅडमिक कनेक्ट, संरक्षण कर्मचारी, अग्निवीर आणि शहीद कुटुंबांसाठी आयसीएसआय फी माफी योजना, पालक गमावलेल्या विद्यार्थ्यांसाठी फी मध्ये सवलत, आयसीएसआय स्टुडंट्स एज्युकेशन फंड ट्रस्ट यासारख्या विषयांवर भर दिला.

कार्यक्रमाला ‘वेस्टर्न इंडिया रीजनल काउंसिल (WIRC) ऑफ आयसीएसआयच्या सेक्रेटरी सीएस दीप्ती जोशी, नागपूर चॅप्टरचे अध्यक्ष सीएस भावेश थडानी, उपाध्यक्ष सीएस मोहित बत्रा, सचिव सेक्रेटरी सुमित खिचा, कोषाध्यक्ष सीएस दीशा श्रॉफ, समितीचे सदस्य सीएस खुशाल बजाज, सीएस हर्षल किल्लेदार आणि सीएस सराह हुसेन कटवाला इत्यादी उपस्थित होते. कार्यक्रमाला इन्सॉल्वेंसी प्रोफेशनल्स, कंपनी सेक्रेटरी, वकील, आणि वरिष्ठ अधिकाऱ्यांसह सुमारे 70 प्रतिनिधींचा सहभाग होता.