مفت آدھار اپ ڈیٹ

عظمیٰ نیوز سروس

سرینگر//مرکزی حکومت نے سفارش کی ہے کہ آدھار نمبر رکھنے والے ہر 10 سال میں کم از کم ایک بار اپنے آدھار دستاویزات کو اپ ڈیٹ کریں۔ یہ اپ ڈیٹ آدھار ڈیٹا بیس کی درستگی کو یقینی بناتا ہے اور آدھار پر مبنی درست تصدیق کی اجازت دے کر سروس ڈیلیوری کو بہتر بناتا ہے۔ دستاویزات کی تجدیدکے حوالے سے کوئی مواصلت موصول ہونے پر افراد کو اپنی تفصیلات کو فوری طور پر اپ ڈیٹ کرنا چاہیے۔ آدھار ہولڈرز کو فائدہ پہنچانے کے لئے ذاتی اور پتے کی معلومات کے باقاعدگی سے اپ ڈیٹ کرنے کا بھی مشورہ دیا جاتا ہے۔آدھار کارڈ ہولڈرز 14 دسمبر 2024 تک myAadhaar پورٹل کے ذریعے اپنی تفصیلات مفت میں آن لائن اپ ڈیٹ کر سکتے ہیں۔ اس تاریخ کے بعد، آدھار مراکز پر آف لائن اپ ڈیٹس پر فیس لگے گی۔