پٹن میں گاڑی کی ٹکر سے معمر شخص لقمہ اجل

بارہمولہ// شمالی کشمیر کے بارہمولہ ضلع میں پٹن کے سدربل پلہالن علاقے میں جمعہ کی صبح گاڑی کی زد میں آکر ایک معمر شخص کی موت واقع ہوئی۔
عینی شاہدین کے مطابق، نامعلوم تیز رفتار گاڑی نے نذیر احمد صوفی ساکنہ صوفی محلہ پلہالن پٹن نامی ایک معمر شخص کو ٹکر مار کر شدید زخمی کر دیا۔ اس دوران اگر چہ مقامی لوگوں نے اسے فوری طور پر نزدیکی ہسپتال پہنچایا تاہم وہ راستے میں ہی دم توڑ گیا۔ جب کہ گاڑی والا موقع سے فرار ہو گیا۔
دریں اثنا، پولیس نے واقعے کا نوٹس لے لیا ہے اور ملوث گاڑی اور ڈرائیور کی شناخت کے لیے چھان بین کر رہی ہے۔