अजितदादांचा थेट शरद पवारांच्या पत्नी प्रतिभा यांच्यावर निशाणा; म्हणाले, काय पुळका आलाय…

राष्ट्रवादी काँग्रेसचे बारामती विधानसभा मतदारसंघाचे उमेदवार अजित पवार आज गावभेट दौरा करीत आहेत…बारामती मधील पानसरे वाडी येथे भेट देऊन गावभेट दौऱ्याला सुरुवात झाली आहे. बारामती मधील पानसरे वाडी,जळगाव सुपे, कऱ्हावागज, काऱ्हाटी आणि अंजनगाव या गावांचा अजित पवार गावभेट दौरा करणार आहेत. गावभेट दौऱ्या दरम्यान अजित पवार हे नागरिकांशी संवाद साधून मार्गदर्शन देखील करीत आहेत.

नवीन लोकांना संधी देण्यासाठी प्रयत्न करणार आहे. 2 कोटी 30 लाख महिलांना थेट खात्यावर पैसे देतोय. झिरो बिल सर्वांना येणार आहे. लोकसभेला गंमत केली आता विधानसभेला गंमत करू नका. नाहीतर तुमची जंमत होईल. बारामतीकरांना पुन्हा वाली राहणार नाही. साहेब दीड वर्षांनी निवडणूक लढविणार नाहीत. शरद पवार यांचा मोठा फोटो लावला जातोय. काय नातवाचा पुळका आलाय कळेना, असं म्हणत अजित पवारांनी प्रतिभा पवार प्रचारावरून टीका केली आहे.