अभिजीत अडसूळ यांच्यासाठी भाजपचे पदाधिकारी सरसावले:मतदारांशी संवाद, अंजनगावात महायुतीचा प्रचार

प्रचाराला आता वेग आला असून, दर्यापूर मतदार संघाचे महायुतीतील शिवसेनेचे उमेदवार कॅप्टन अभिजित अडसूळ यांच्या विजयासाठी भाजपचे पदाधिकारी, कार्यकर्ते सक्रीय होऊन सरसावले आहेत. नुकतेच अंजनगाव सुर्जी शहरातील भद्रकाली माता मंदिर ते बुधवारा, वानखडे पेठ, झाडपी पुरा, लहान मढी-मोठी मढी, द्वारका चौकामध्ये घरोघरी जाऊन कॅप्टन अभिजीत अडसुळांसाठी जनआर्शिवाद घेत आहेत. प्रत्येक गावात मोठ्या संख्येने समर्थक धनुष्यबाणासोबत जुळत असल्याचे चित्र मतदारसंघात आहे. यावेळी भाजपाचे विधानसभा संघटक गोपाल चंदन, सुभाष पटेल, माजी नगराध्यक्ष कमलकांत लाडोळे, विक्रम पाठक, मनीष मते, दिनेश भावे, प्रविण पटकुले, आशिष टिपले, सुभाष थोरात, रितेश आवंडकार, गौरव चांदुरकर, संदीप राठी, विलास कविटकर, कूष्णा गोमाशे, शुभम थोरात, मनोहर मुरकुटे, मनोज सदाफळे, पी.बी.पवार, हेमा लेंधे, विद्या गडेकर, किरण कावरे, विमल माकोडे, लता मुरकुटे यांच्यासह शिवसेना, भाजप, राष्ट्रवादी काँग्रेसचे पदाधिकारी व कार्यकर्ते उपस्थित होते. दर्यापूर-अंजनगाव मतदारसंघात कॅप्टन अभीजीत अडसूळांच्या प्रचार दौऱ्याने नागरिकांमध्ये नवचैतन्य निर्माण होत आहे.