अरणगाव येथे ॲग्रीस्टॅक फार्मर आयडी कार्यशाळेला प्रतिसाद

महाराष्ट्र शासनाच्या महत्त्वाकांक्षी ॲग्रीस्टॅक योजेनेबाबत अहिल्यानगर तालुक्यातील अरणगाव ग्रामपंचायत कार्यालयात शेतकऱ्यांची कार्यशाळा घेण्यात आली. जिल्हा अधीक्षक कृषी अधिकारी सुधाकर बोराळे व तालुका कृषी अधिकारी विकास पाटील यांच्या मार्गदर्शनाखाली झालल्या कार्यशाळोत मोठ्या संख्येने तालुक्यातील शेतकरी उपस्थित होते. अरणगाव ग्रामपंचायतीत झालेल्या शेतकऱ्यांच्या कार्यशाळेत अॅग्री स्टॅक योजनेबाबत शेतकऱ्यांना मार्गदर्शन करण्यात आले. शेतकरी व त्यांची शेत जमिनीची ओळख पटवणे, शेतकऱ्यांनी पेरलेल्या पिकांचे नाव, क्षेत्र आणि त्यानुसार कर्ज वितरण सुलभता व कृषी योजनांची कार्यक्षमतापूर्ण अंमलबजवाणी करण्यासाठी फार्मर आयडी असणे गरजेचे आहे. प्रधानमंत्री किसान सन्मान योजना, पीक विमा योजना, पीक हमीभाव खरेदीसाठी साहाय्य, हवामानाची माहिती, पीक पेरणी व उत्पादन वाढीसाठी अचूक मार्गदर्शन, किसान क्रेडिट कार्ड अंतर्गत कर्ज वितरण, महाडीबीटीवरील कृषी विभागाच्या विविध योजना यासाठी शेतकऱ्यांनी फार्मर आयडी काढून घ्यावेत, असे आवाहन मंडळ कृषी अधिकारी अशोक वाळके यांनी उपस्थित शेतकऱ्यांना केले. यावेळी सेतू सुविधा केंद्रातून शेतकऱ्यांचे फार्मर आयडी काढून त्याचे वाटप करण्यात आले. सर्व शेतकऱ्यांनी सेतू सुविधा केंद्रात अॅग्रीस्टॅक अंतर्गत फार्मर आयडी काढून घ्यावा, असे आवाहन तालुका कृषी अधिकारी विकास पाटील यांनी केले. यावेळी शेतकरी उपस्थित होते.