"एचव्हीपीएम'च्या कुस्तीपटूंनी जिंकली विविध 11 पदके:तीन सुवर्णपदकांसह 8 रौप्य पदकांची केली कमाई; विजेत्यांवर हाेताेय काैतुकाचा वर्षाव‎

नुकत्याच नागपुरात झालेल्या खासदार क्रीडा महोत्सवात एचव्हीपीएमच्या कुस्तीपटूंनी ११ पदके जिंकून मैदान मारले. खा. नितीन गडकरी यांच्या संकल्पनेतून आयोजित खासदार महोत्सवांतर्गत विदर्भस्तरीय कुस्ती स्पर्धा झिंगाबाई टाकळी नागपूर येथे आयोजित केली होती. या स्पर्धेत विदर्भातील नामवंत महिला व पुरुष कुस्तीगिरांचा समावेश होता. त्यात अमरावती शहर जिल्हा कुस्तीगीर संघानेही सहभाग घेतला. त्यात कुमार कुस्तीगीर परी जदुसंकतने ४६ किलो वजन गटात अनेक प्रेक्षणीय कुस्त्या करून द्वितीय क्रमांक मिळवला. ४५ किलो गटात अनिल दळवेने द्वितीय, ५० किलो गटात मंगेश खोकलेने द्वितीय, वरिष्ठ महिला गटातील ५० किलो वजन गटात सोनाली गुप्ताने द्वितीय तर ५३ किलो गटात बाली पवारने सुवर्णपदक जिंकले. ७६ किलो वजन गटात गौरी धोटेनेही प्रेक्षणीय कुस्त्या करत द्वितीय क्रमांक पटकावला. नुकतेच देवळी, वर्धा येथे महिला महाराष्ट्र केसरी कुस्ती स्पर्धेत ७२ किलो वजन गटात गौरी धोटेने रौप्य पदक जिंकले होते. वरिष्ठ पुरुष गटात ५३ किलो वजन गटात पीयूष डेंडवालने द्वितीय, ५७ किलो वजन गटात अर्जुन यादवने सुवर्ण, ६५ किलो वजन गटात अनुज सारवानने प्रथम क्रमांकासह विजेतेपद पटकावले. ७० किलो वजन गटात अंकित यादवने द्वितीय क्रमांकाचे पदक मिळवले. संघासोबत संघ व्यवस्थापक म्हणून करण यादव होते. हे सर्व कुस्तीगीर श्री हनुमान व्यायाम प्रसारक मंडळाच्या कुस्ती विभागात पंचम विदर्भ केसरी डॉ. संजय तीरथकर, एनआयएस कुस्ती प्रशिक्षक जितेंद्र भुयार यांच्या मार्गदर्शनात सराव करतात. एचव्हीपीएमचे प्रधान सचिव प्रभाकरराव वैद्य, सचिव डॉ. माधुरी चेंडके, डॉ. श्रीकांत चेंडके, डॉ. संजय तीरथकर, अॅड. प्रशांत देशपांडे, प्रा. रवींद्र खांडेकर, इरफान खान, जितेंद्र डीके, आरिफ खान, समीर देशमुख यांनी अभिनंदन केले. एचव्हीपीएमची यशाची परंपरा राखली कायम विदर्भात पुरुष व महिला कुस्तीत एचव्हीपीएमच्या कुस्ती विभागात घडलेले कुस्तीपटू हे नेहमीच नेत्रदीपक कामगिरी करत आहेत. पंचम विदर्भ केसरी डॉ. संजय तीरथकर, डॉ. रणवीरसिंग राहल यांच्यासह इतर कुस्तीपटूंनी यशाची परंपरा जशी कायम राखली तशीच वर्तमान कुस्तीपटूही प्रत्येक विदर्भस्तरीय स्पर्धेत पदकांनी झोळी भरत आहेत. यातूनच आंतरराष्ट्रीय कुस्तीपटू घडवण्यासाठी एचव्हीपीएमचे तज्ज्ञ प्रशिक्षक प्रयत्न करत आहेत.