कर्णपुऱ्यात एकाच छताखाली घडते जैन समाजबांधवांच्या 12 कुलदेवींचे दर्शन‎:2010 मध्ये गुप्तीनंदी महाराजांच्या प्रेरणेतून साकारले मंदिर

राजाबाजार येथील खंडेलवाल दिगंबर जैन‎पंचायतीअंतर्गत कर्णपुरा येथे १२ देवींचे‎मंदिर उभारण्यात आले आहे. २०१० मध्ये‎आचार्य गुप्तीनंदी महाराज यांच्या प्रेरणेतून‎हे मंदिर उभे राहिले. खंडेलवाल पंथाच्या‎विविध १२ कुलदेवींची ही मंदिरे आहेत.‎कुलदेवीच्या दर्शनासाठी जैन बांधवांना‎लांबचा प्रवास करून जावे लागत होते.‎म्हणून समाजाने हे मंदिर साकारले.‎ नोव्हेंबर २०१० मध्ये या सर्वांची विधिवत‎प्राणप्रतिष्ठा करण्यात आली. या मंदिराला‎विस्तारीकरण करणे शक्य नाही. कारण,‎मंदिराबाहेरील संपूर्ण जागा छावणी‎परिषदेची आहे. मात्र, अलीकडेच मंदिरात‎सोलार प्रकल्प लावण्यात आल्याचे‎अध्यक्ष महावीर पाटणी यांनी सांगितले.‎ प्रत्येक वेळी देवीच्या दर्शनासाठी‎राजस्थानात जाणे शक्य नाही. त्यामुळे‎समाजाने शहरातच मंदिर निर्माण‎करण्याचा संकल्प घेतला अन् हे मंदिर‎साकारले गेले. देशभरातील हे एकमेव‎मंदिर आहे. जैन समाजात ८४ गोत्रे आहेत.‎प्रत्येक देवी ही किमान ६ ते ८ गोत्रांची देवी‎आहे. या सर्व भाविकांना या मंदिरामुळे‎कुलदेवीचे दर्शन शहरातच घडते.‎ साधारण १९५५ मध्ये या ठिकाणी‎सुमतीसागर महाजरांचे समाधी झाली‎होती. त्यानंतर सुमतीसागर महाराज आणि‎बुद्धिसागरजी महाराज यांच्या पादुका या‎ठिकाणी ठेवल्या होत्या. खंडेलवाल‎दिगंबर जैन समाज हा मूळचा राजस्थानी‎समाज आहे. या समाजाच्या प्रत्येक‎गोत्राचे कुलदैवत राजस्थानात आहे. मात्र,‎या देवी मंदिरात प्रतिकुलदैवतच‎भाविकांसाठी उपलब्ध झाले. संपूर्ण‎संगमरवरात हे मंदिर निर्माण करण्यात‎आले. २०१५ मध्ये मुनिश्री प्रसन्नसागरजी‎महाराज व पीयूषसागरजी महाराज यांच्या‎सान्निध्यात या ठिकाणी सर्वतोभद्र‎पार्श्वनाथ भगवंताची स्थापना केली होती.‎येथे दररोज भगवंताचा पंचामृत अभिषेक‎व मातेची शृंगार पूजा,आरती करण्यात येते.‎क्षेत्रपाल बाबा आणि धरर्णेंद्र देव यांचीही‎स्थापना केली आहे असे मंदिराचे संयाेजक‎प्रमोद पांडे यांनी सांगितले.‎ या देवींची करण्यात‎आली प्राणप्रतिष्ठा‎ ‎ लोसीन माता, लोहिणी‎माता, नांदणी माता,‎सैतली माता, अमन माता,‎पद्मावती माता, चक्रेश्वरी‎माता, मातणी माता,‎जमवाई माता, औरली‎माता, जीन माता, चौथ‎माता यांची या ठिकाणी‎प्राणप्रतिष्ठा करण्यात‎आलेली आहे. जैनेतर‎बांधवही या ठिकाणी‎दर्शनासाठी येतात, असे‎पांडे म्हणाले.‎