कल्याणमध्ये मतदार जनजागृतीसाठी बाईक रॅली

यावेळी उपस्थित नागरिकांनी मानवी साखळीद्वारे मतदान जनजागृती केली. त्यानंतर सदर रॅली नेवाळी नाका मार्गे वसार गावाकडून मनोरे गावातील जिल्हा परिषद शाळेजवळ थांबली. तेथेही विद्यार्थ्यांनी सदर रॅलीचे घोषणा देऊन स्वागत केले. सदर रॅली श्रीराम चौकात थांबल्यावर तेथेही घोषणा देत नागरिकांना मतदान करण्याचे आवाहन करण्यात आले. रॅली दरम्यान लाऊडस्पीकरद्वारे मतदान जनजागृतीपर गीत वाजवून नागरिकांना आवाहन करण्यात आले. यावेळी विविध शाळांतील शिक्षक, आरएसपीचे कर्मचारी, कल्याण जनजागृती टीमचे सभासद, मैत्री फाऊंडेशनचे सभासद, स्वीप टिमचे विलास नंदनवार, सर्जेश वेलेकर, समाधान मोरे, रविंद्र तवर, भारती डगळे, इलेक्शन युवा आयकॉन प्रणव देसाई, सिने अभिनेता सुशील राठोड तुळशीराम झोपे, शिरीष म्हात्रे आदी उपस्थित होते.