कारच्या धडकेत दुचाकीस्वाराचा मृत्यू

पोखरापूर : दुचाकीला कारची धडक होऊन झालेल्या अपघातात मोहोळ तालुक्यातील तेलंगवाडी येथील 32 वर्षीय तरुणाचा मृत्यू झाल्याची घटना दि. 28 नोव्हेंबर रोजी रात्री 7 : 30 वाजण्याच्या सुमारास तेलंगवाडी फाट्यावर घडली.

अशोक किसन गोरे असे अपघातातील मृत तरुणाचे नाव आहे. तेलंगवाडी येथील अशोक गोरे हा तरुण दुचाकीवरून रस्ता ओलांडून गावाकडे जात होता. त्यादरम्यान मुंबईकडून सोलापूरकडे निघालेल्या के. ए.09, एम.डी. 4898 या क्रमांकाच्या कारने अशोक गोरे याच्या दुचाकीला जोराची धडक दिली. त्यामध्ये तो गंभीर जखमी झाला. त्याला तत्काळ महामार्ग रुग्णवाहिकेने मोहोळ येथील शासकीय रुग्णालयात उपचारासाठी आणले असता डॉक्टरांनी उपचारापूर्वीच त्याचा मृत्यू झाल्याचे सांगितले.