गुरूनानक जयंती, त्रिपुरारी पौर्णिमेनिमित्त दीपोत्सव:सतीफैल भागातील श्री सद्गुरू एकनाथ महाराज भजनी मंडळाचा उपक्रम

शहरातील सतिफैल भागातील श्री सद्गुरू एकनाथ महाराज भजनी मंडळाच्या वतीने दरवर्षी प्रमाणे या वर्षी सुध्दा श्री गुरूनानक देव जयंती व त्रिपुरारी कार्तिक पौर्णिमा निमित्त विविध धार्मिक कार्यक्रमाचे आयोजन १५ नोव्हेंबर शुक्रवार रोजी करण्यात आले होते. मंडळाचे संस्थापक अध्यक्ष देविदास ऊर्फ मुन्ना शर्मा यांच्या मार्गदर्शनाखाली मागील २४ वर्षांपासून मंडळाच्या माध्यमातून धार्मिक व अनेक सामाजिक उपक्रम नि:स्वार्थ अखंडपणे मुख मे हो राम नाम,राम सेवा हात मे हे ध्येय घेऊन सुरू आहेत. त्रिपुरारी पौर्णिमे या दिवशी भगवान शंकराने त्रैलोक्याला त्रास देणाऱ्या त्रिपूर राक्षसाची तीन पुरे जाळून त्याला ठार केले. म्हणून या पौर्णिमेला त्रिपुरी किंवा त्रिपुरारी पौर्णिमे असे म्हणतात. या दिवशी रात्री घरात, घराबाहेर, देवळात, शिवालयात, गंगेच्या तिरावर दिवे लावतात व दीपदान करावे, गंगा स्नान करावे आणि कार्तिक स्वामीचे दर्शन घ्यावे, असा विधी आहे. त्रिपुरारी पौर्णिमेचे औचित्य साधुन १५ नोव्हेंबर शुक्रवार रोजी सकाळी १० वाजता श्री गुरू नानक देव यांची जयंती उत्साहात साजरी करण्यात आली. त्यानंतर संध्याकाळी ६ वाजता ओंकारेश्वर मंदिर, मठ येथे महाआरती व पाच हजार दिवे लावुन दीपोत्सव उत्साहात साजरा करण्यात आला. सर्व प्रथम देविदास शर्मा यांच्या हस्ते महाआरती करून दीपोत्सव साजरा करण्यात आला. यावेळी लक्ष्मणराव गाडे, मंडळाचे संस्थापक अध्यक्ष देविदास शर्मा, विनोद सुकाळे, दिलीप झापर्डे, अरूण कडवकर, सागर चुंबळकर, दिनेश डोंगरकर, रामदास ढोले, ज्ञानेश्वर सुकाळे, स्वराज सुकाळे, कृष्णा सुकाळे, नंदु बरडिया,विक्की देशमुख, सुभाष बावस्कर, सुरेश दुधाळ, प्रतिक पवार, अमन गरड, अथर्व चोथवे, अभिषेक डोंगरकर, आदित्य इंगळे, कृष्णा जगताप, जितेंद्र इंगळे, सोहम महाडिक, राजू इंगळे,आशा अंधारे, पार्वता सुकाळे, जया सुकाळे, शकुंतला ढवळे, जयश्री झापर्डे, संगीता वाघोळे, प्रमिला शिंदे, जान्हवी डोंगरकर,जान्हवी शर्मा, उषा शर्मा, किर्ती शर्मा, शारदा नेमाडे, सुनीता इंगळे, निता ढेकळे, सुनीता बोचरे, संगीता वानखडे, पायल वानखेडे, गौरी वानखडे, ममता वानखडे, शीतल पाल, पायल बरडिया, अंजली पवार यांच्यासह शिवाजी नगर, सतिफैल भागातील शेकडो महिला पुरूषांची उपस्थिती होती अशी माहिती श्री सद्गुरू एकनाथ महाराज भजनी मंडळाच्या वतीने देण्यात आली. गुरूनानक जयंती आणिक त्रिपुरारी पौर्णिमेनिमित्त या कार्यक्रमाच्या माध्यमातून नागरिकांमध्ये जनजागृतीही करण्यात आली.