चिमुकल्यांनी कोळीगीते, लावणी, बालगीते नृत्य सादर करून जिंकली उपस्थितांची मने:नागवाडी फाटा येथे पांडुरंग कल्चरल फेस्टिव्हल उत्साहात

पांडुरंग इंग्लिश स्कूल आयोजित पांडुरंग कल्चरल फेस्टिव्हलचे आयोजन नागवाडी फाटा, तलवाडा येथे १ फेब्रुवारी शनिवार रोजी करण्यात आले होते. या वार्षिक स्नेहसंमेलन कार्यक्रमाची सुरुवात स्वातंत्र्यसैनिक भागीनाथ बोडखे गुरुजी आणि प्राचार्य डांगे पॅटर्नचे प्रणेते स्व. इंद्रभान डांगे यांना अभिवादन करुन करण्यात आली. शेतकरी आत्महत्या, सावकारी कर्ज, शेतकरी आत्महत्येची कारणे, शेतकरी विरोधी कायदे, कर्जाचा बोजा, सरकारी धोरणे, मानसिक आरोग्य, वैयक्तिक समस्या आणि कौटुंबिक समस्या, लेक वाचवा, अफजल खानाचा वध, वद्धाश्रम आदींसह कोळीगीते, लावणी, बालगीते आदी गाण्यांवर बालकांनी नृत्य सादर करुन उपस्थितांची मने जिंकली. ७ वी वर्गाच्या विद्यार्थ्यांनी तुळशी विवाह सोहळाचे उत्कृष्ट सादरीकरण करून उपस्थितांमध्ये भावनिक हळवे वातावरण तयार केले तर जैसी करणी वैसी भरणी नाटिका सादर करुन आई, वडिलांना प्रेम द्या, त्यांना वृद्धाश्रमात पाठवू नका हा संदेश दिला आर्मी गाण्याने शहीद जवानाचे स्मरण करुन मानवंदना देण्यात आली तर कार्यक्रमाच्या शेवटी फणी डान्सने सर्वांना पोटभर हसवले. मनोरंजक आणि सास्कृतिक तसेच परंपरा, संस्कार आणि संस्कृती जपणारा हा कार्यक्रम असल्याचे मत उपस्थित आजोबा पालकांनी व्यक्त केले. याच कार्यक्रमात सर्व शिक्षकांना आणि विद्यार्थ्यांना सन्मानचिन्ह वाटप करण्यात आले. कार्यक्रमाच्या यशस्वितेसाठी शाळेचे प्रा. संतोष सूर्यवंशी, सचिव सचिन सूर्यवंशी, संचालिका राणी सूर्यवंशी, साईनाथ वाघ, निखिल वाघ यांनी परिश्रम घेतले.