जळगाव‎ एसपी कार्यालयासमाेर एक दिवसाआड‎ चाेरी, बसस्थानकातून एक लाख लंपास‎:आठवड्यात तीन घटनांत पावणेतीन लाख रुपये लांबवले‎

शहरातील जिल्ह पाेलिस अधीक्षक ‎‎(एसपी) कार्यालयाच्या समाेरच १०० ‎‎पावलांवर नवीन बसस्थानक आहे. इथे ‎‎आठवड्यात बसमध्ये चढताना तिघांचे ‎‎पावणेतीन लाख रुपये चाेरट्यांनी‎लांबवले आहेत. अर्थात, सरासरी एक ‎‎दिवसाआड चाेरटे प्रवाशांच्या खिशावर ‎‎डल्ला मारताहेत. या ठिकाणी पाेलिस ‎‎चाैकी आहे पण तेथे पाेलिस नसतात. ‎‎सीसीटीव्ही कॅमेरे आहेत पण ते कमी ‎‎क्षमतेचे असल्याने शाेपीस ठरताहेत.‎ शनिवारी दुपारी धुळे जिल्ह्यातील‎अजंदे येथील तरुण शेतकऱ्याने हरबरा‎लागवडीसाठी मावशीकडून घेतलेले‎एक लाख रुपये चाेरट्यांनी लंपास‎केले. दरम्यान, येथील सीसीटीव्ही‎कॅमेऱ्यांत चाेरटा दिसताे असून, ताे अस्पष्ट आहे. महेंद्र राजाराम मराठे‎(वय ३५, रा. पाटीलवाडा, अजंदे, जि. धुळे) हा तरुण‎शेतकरी जळगावातील महाबळ काॅलनीत राहणाऱ्या‎मावशीकडे शनिवारी शेतात हरभरा लावण्यासाठी‎उसनवार पैसे घेण्यासाठी आला हाेता. त्याच्या मावसाने‎शनिवारी दुपारी साडेतीन वाजता नवीन बसस्थानकात‎साेडले. महेंद्र मराठेने पॅन्टच्या उजव्या खिशात हे पैसे‎ठेवले हाेते. पावणेचार वाजेच्या सुमारास‎जळगाव-मांजराेद या बसमध्ये चढताना गर्दी हाेती. ताे‎बसच्या पहिल्या पायरीवर असताना त्याने पैसे तपासले‎तेव्हा ते हाेते. त्यानंतर मागून जाेरदार धक्का मारला गेला‎त्यामुळे त्याने खिशावरील हात काढून बसचा राॅड‎धरला. आत गेल्यावर पुन्हा खिसा तपासला तर पैसे‎नसल्याचे त्याच्या लक्षात आले. त्यानंतर त्याने‎जिल्हापेठ पाेलिस ठाण्यात जाऊन तक्रार दिली.‎त्यानुसार गुन्हा दाखल करण्यात आला.‎ सीसीटीव्ही कमी क्षमतेचे, फुटेज अस्पष्ट‎ सीसीटीव्हीमध्ये संशयित चित्रित‎ जिल्हापेठ पाेलिसांनी या चाेरीच्या‎तपासासाठी बसस्थानकातील सीसीटीव्ही‎कॅमेऱ्याचे फुटेज तपासले. त्यात बसमध्ये‎चढण्याचे नाटक करून पैसे चाेरून माघारी‎फिरलेला काळा रंगाचा शर्ट घातलेला तरुण‎चाेरटा चित्रित झाला आहे. पाेलिस त्याच्या‎मागावर असल्याचे सांगण्यात येते आहे.‎ पाेलिस चाैकी केवळ नावालाच‎ बसस्थानकात हाेणाऱ्या चाेऱ्यांवर नियंत्रण‎ठेवण्यासाठी पाेलिस चाैकी उभारलेली‎आहे; परंतु येथे कधीच पाेलिस नसतात.‎चाेरीच्या लागाेपाठ घटना समाेर आल्यावर‎येथे अधूनमधून पाेलिस गस्त घालतात.‎दाेन-चार दिवस हाेमगार्ड पाठवले जातात.‎नंतर बसस्थानक रामभराेसे हाेते.‎ आठवड्यातील घटना‎ २८ सप्टेंबर : सकाळी १०.३०‎वाजता जळगाव-शिंदखेडा‎बसमध्ये चढत असताना‎वाघनगरातील मनीषा पाटील‎यांचे २१ हजार चाेरीला गेले.‎ ३ ऑक्टाेबर : दुपारी २.३०‎वाजता जळगाव येथून पाचाेरा‎बसमध्ये चढताना पिंप्राळाच्या‎शीतल पवार यांचे ५० रुपये‎चाेरट्याने लांबवले.‎ ५ ऑक्टाेबर : दुपारी ३.४५‎वाजता जळगाव-मांजराेद‎बसमध्ये चढत असतान महेंद्र‎मराठे या प्रवाशाचे १ लाख‎रुपये चाेरीला गेले आहेत.‎ दिव्य मराठी थेट प्रश्न‎ - राकेश माणगावकर, पीआय, जिल्हापेठ‎ नेत्रम अंतर्गत अधिक क्षमतेचे‎दाेन सीसीटीव्ही कॅमरे लावणार‎ प्रश्न : बसस्थानकात गस्त नाही का?‎ उत्तर : आठवडाभरात इथे तीन माेठ्या‎चाेऱ्या झाल्या आहेत. पाेलिसांची गस्त‎असते पण ती आणखी वाढवण्यात येईल.‎ प्रश्न : इथे पाेलिस नव्हे हाेमगार्ड का?‎ उत्तर : हाेमगार्डचे मनुष्यबळ पाेलिस‎दलाला मिळाले हाेते. तेव्हा त्यांची नेमणूक‎बसस्थानकात करण्यात आली हाेती.‎ प्रश्न : काय उपाययाेजना करणार?‎ उत्तर : बसस्थानकात कॅमेरे कमी क्षमतेचे‎व अनेकदा बंद पडतात. पाेलिस दलाच्या‎नेत्रमचे अधिक क्षमतेचे दाेन कॅमेरे लावले‎जातील. त्या अनुषंगाने प्रयत्न सुरू आहे.‎